ژبەر ئەرزانیێ خەلك قەست دكەنە بازارێن ئاوارەیان
تۆرا لالش یا راگەهاندنێ/هۆگر نەجیب
ل كۆمەلگەها شاریا بازارێ ئاوارەیان هاتیە ڤەكرن و پتر ژ 40دوكانان بخۆڤە دگرت،ژبەر ئەرزانیا كەرەستەیان ئاوارە و خەلك قەست دكەنە بازاری بۆ كرینا پێتڤیێن خۆ یێن رۆژانە،كو تا رادەیەكی بارێ وان سڤككریە.
ل دۆر گرنگیا بازارێ ئاوارەیان،ئاوارەیێ شنگالێ”زیاد دەخیل”خویاكر:”ژبۆ كرینا هەركەرەستەیەكی ژبەر ئەرزانیێ ئەم ئاوارە سەرەدانا بازارێ ئاوارەیان دكەین ژبۆ كرینا پێتڤیێن خۆ یێن رۆژانە ،ڤی بازارێ ل كۆمەلگەها شاریا دا گەلەك گرنگیا خۆ هەیە،ژبەركو مە پێچنابت ژ جهەكێ دی بكرین و ژلایێ مادی ڤە تارادەیەكی بۆ مە یا باشە و بارێ مە پتر سفكبوویە”.
ژبال خۆڤە”هەڤراز ئەدریس”وەلاتیەكێ كۆمەلگەها شاریایە دبێژت:”هەبوونا ڤی بازاری دڤان قەیرانان دا گەلەك گرنگیا خۆ هەیە و تارادەیەكی بارێ خەلكێ سڤككرو پتر سەرەدانا بازارێ ئاوارەیان دكەم و ئەگەر ئەڤ بازار نەبا خەلكێ مە نەدكاری وان كەرەستەیێن وان بڤێن ب نرخەكێ ئەرزان بدەسڤەبینن ،ژبەركو ئەو نرخێ دوكاندارێن ئاوارە ل سەر كەرەستەیێن خۆ ددانن نەگەلەكە،چنكو بارێ وان یێ ئابووری یێ لاوازە بتنێ ئارمانجا وان ژ ئەرزان فرۆتنێ پەیداكرنا نانێ رۆژانەیە”.
دیسان دوكاندارەكێ فرۆشتنا پێلاڤان ل بازارێ ئاوارەیان”زیاد ئلیاس”گۆت:” بازارێ مە پتر ژ 40دوكانان بخۆڤە دگرت و هەر دوكانەك هندەك كەرەستەیان دفرۆشت، ژبەر ئەرزانیێ ئاوارەیێن ئاكنجیێن شاریا و پشكەك ژ خەلكێ كۆمەلگەهێ،سەرەدانا بازارێ مەدكن بۆ كرینا پێتڤیاتێن وان بڤێن،دبینم ڤی بازاری دڤێ قەیرانێدا بارێ خەلكێ و ئاوارەیان پتر سڤككریە،ئارمانج ژ ئەرزان فرۆتنا كەرەستەیان بتنێ پەیداكرنا نانێ رۆژانەیا نەپتر و ژلایێ ئەرزانیێ ڤە هاریكاریا خەلكێ خۆ دكەین”.
تُتاح هذه الصورة أيضا في: کوردی
