ساخكرنا بیرەوەرییا كارەساتا گرعزێر و سیبا شێخدرێ و گوندێ كۆچۆ ل كەمپا مام رەشان
تۆرا لالش یا راگەهاندنێ
بنگەهێ لالش تایێ شنگالێ و نڤیسینگەهێن لالش تلبەنات و تلبەناتا كەڤن ب هەڤكاری لگەل كۆمەلا شنگال یا خێرخوازی و لژنا حزبی ل كەمپا مام رەشان،بیرەوەرییا كارەساتا گرعزێر و سیبا شێخدرێ و گوندێ كۆچۆ،ب ئاهەنگەكێ ل كەمپێ ساخكرن.
ب ئامادەبوونا رێڤەبەرێ كەمپا مام رەشان و نوونەرێ بنگەهێ لالش تایێ شنگالێ و بەرپرسێ لژنا حزبی ل كەمپێ و بەرپرسێن نڤیسینگەهێن لالش تلبەنات و تلبەناتا كەڤن و گرزەرك و بەرپرس و ئەندامێن كۆمەلا شنگال یا خێرخوازی و جەماوەرەكێ كەمپێ،ل رێككەفتی 14/8/2016،ئاهەنگەك ب بیرەوەرییا 9ێ یا كارەساتا گرعزێر و سیبا شێخدرێ وبیرەوەرییا دووێ یا گوندێ كۆچۆ هاتە ئەنجامدان.
ل پێشیا ئاهەنگێ ئامادەبوویی خۆلەكەكێ وەك رێزگرتن ل سەر گیانێ جانگۆریێن كوردستانێ و شنگالێ سەكنین و ل پێرە چەند پەیڤ ژبال رێڤەبەرێ كەمپێ و كۆمەلا شنگال یا خێرخوازی و و لژنا حزبی و بنگەهێ لالش تایێ شنگالێ هاتنە خووندن،پاش ئاهەنگێ دەستپێكر و كۆمەكا سترانێن خەمگین ل سەر كارەساتێن ب سەر ئێزدیان دا هاتین هاتنە گۆتن،هەروەسا شانۆگەریەك هاتە نمایشكرن كو دەربرین ژ ئازارێن گرتییان ل زیندانێن داعشێ دا دكر.
دبرگەیەكا دی یا ئاهەنگێ دا،كۆمەكا گەنجێن كەمپێ چەند هۆزان و دروشم گۆتن و دوو فلم ژی ئێك ل سەر كارەساتا گرعزێر و سیبا شێخدرێ و یێ دی ل سەر كوشتارا گوندێ كۆچۆ هاتنە نیشاندان.
هەروەسا دبرگا داویێ دا،10كۆترێن سپی ل سەر گیانێ جانگۆرییان هاتنە بەردان و 74شەمالك ژی هاتنە هلكرن ل سەر ژمارا وان فەرمانێن ب سەرێ ئێزدیان هاتین.
تُتاح هذه الصورة أيضا في: کوردی