پرۆسا بەلاڤكرنا هاریكاریێن دراڤی ل سەر رزگاربوویان دێ یا بەردەوام بت
تۆرا لالش یا راگەهاندنێ/جەعفەر سمۆ
شیرەتكارێ پارێزگەرێ نەینەوا بۆ كاروبارێن ئێزدیان راگەهاند،سبەی رۆژا شەمبوویێ 20/8/2016،پرۆسا بەلاڤكرنا هاریكاریێن دراڤی ل سەر رزگاربوویان دێ یا بەردەوام بت و ئەڤ گەرە دێ ل سەر رزگاربوويان ل كەمپا كەبەرتوویێ ئێك ئێتە بەلاڤكرن.
خودێدا قولو، شیرەتكارێ پارێزگەرێ نەینەوا بۆ كاروبارێن ئێزدیان بۆ مالپەرێ(تۆرا لالش یا راگەهاندنێ)راگەهاند،لژنەك سەرپەرشت ل سەر بەلاڤكرنێ یە و هەر رزگاربوویەك دێ ڤێ هاریكارییا دراڤی وەرگرت چ ل وەلاتی یان ژ دەرڤە بت،چنكو دراڤ تایبەت بۆ رزگاربوویان هاتیە دەست نیشانكرن.
شیرەتكارێ پارێزگەرێ نەینەوا ئاماژەكر كو وەكیلێ هەر رزگاربوویەكێ دكارت هاریكارییا دراڤی وەرگرت ژپێش رزگاربوویێ ڤە،ل دەمێ نەیا بەرهەڤ بوو ب مەرجەكێ بەلگەنامێن كەسایەتی هەبن،هەروەسا بەهرا هەر ئێكێ 560هەزار دینارێن عێراقی نە.
ناڤهاتی زێدەتر گۆت:”ئەڤ هاریكارییە ژ پرۆژەیێن گەشەپێدانا هەرێمانە ل پارێزگەها نەینەوا و لژنە دێ ل هەموو كەمپان گەرت.
قولو سوپاسیا جڤاتا پارێزگەها نەینەوا كر ل سەر سووربوونا وان ل سەر ڤان هاریكارییان،دیسان سوپاسیا بنگەهێ لالش ل دهۆكێ كر بۆ ڤەكرنا دەرفەتێ و ئاسانكاریێن كاروباران بۆ بەلاڤكرنا گەرا ئێكێ ل هۆلا لالش.
تُتاح هذه الصورة أيضا في: کوردی