ئاوارێن شنگالێ ژ بەر نەبوونا خزمەتکاریان نازڤرنە جھێن خوە
ئەڤرۆ نیوز:
وەیسی نایف سەرۆێ جڤاتا قەزا شنگالێ راگەھاند ژ بەر نەبوونا خزمەتکاری و پشت راستبوون ژ پاشەرۆژێ و کاڤلبوونا دەڤەرێن وان، ئاوارێن شنگال و دەوروبەرێن وێ ناڤەگەرن.
وەیسی نایف دیارکر ژی ئاوارە ژبەر ترسا دەرئەنجامێن ناکوکیێن سیاسی د ناڤبەرا لایەنێن سیاسی ل قەزا شنگال ناخوازن ڤەگەرن کو ئەڤ چەندە ژی دبینە مەزنترین بەربەست ل ھەمبەر ڤەگەریانا ئاواران.
ناڤبری رەخنە ل حوکمەتا عیراقێ ژی گرتن کو شنگال سەر ب پارێزگەھا نەینەوایە، بەلێ وەکو پێدڤی ھاریکاریا قەزا شنگال و خەلکێ وێ یێ ئاوارە نەکریە.
سەرۆکێ جڤاتا قەزا شنگالێ ئاماژە ب وێ یەکێ کر کو ئوپەراسیونا رزگارکرنا موسل چ کارتێکرن ل سەر ئاسایشا دەڤەرێن وان نابیت ژ بەر کو دەڤەرێن وان پێشمەرگە دپارێزن و داعش ب دووریا 70 کیلومتران ل جھێ ئاکنجیبوونێ ھاتینە دوورخستن.
تُتاح هذه الصورة أيضا في: کوردی