شێخ شامۆ 30یانەیێن وەرزشی ل كۆمەلگەها خانكێ خەلات دكە
تۆرا لالش یا راگەهاندنێ
دوهی رۆژا ئێك شەمبوویێ 30/10/2016ێ،بەرێز”شێخ شامۆ”سەرۆكێ دەستەیا بلندا بنگەهێ لالش یێ رەوشەنبیری و كۆمەلایەتی و ئەندامێ پەرلەمانێ كوردستانێ 30یانێن وەرزشی یێن بەشداری دقارەمانیا كۆمەلگەها خانكێ دا كرین خەلاتكرن،ئەوا ژلایێ ناڤەندا لاوان ل خانكێ هاتیە رێكخستن.
هەر ب ڤێ هەلكەفتێ”شێخ شامۆ”پەیڤەك پێشكێشی گەنجێن یانێن بەشداری قارەمانیێ بووین كر،تێدا داخوازا سەركەفتنێ لێكر دخووندنا وان یا قوتابخانە و زانكۆیان دە و سەركەفتن ژقارەمانیێ ژی را خواست،پاش چەند شرۆڤەكرن و رۆنكرن ل سەر رەوش و پاشەرۆژا مللەت و وەلاتێ مە ژ وانرا دا دیاركرن،داكو وان باوەری ب خۆ هەبە و هەستێ نەتەوی ل نك وان یی بلند بە و بزانن پێشمەرگە خۆ ددە كوشتن وهێلان ب سلامەت و تەنا ژیانا خۆ ببەنە سەر،دووپات ل رۆلی “سەرۆك بارزانی” و دەزگەهێن هەرێما كوردستانێ دپشتگیریكرنا ئێزدیان دە پشتی كارەسات و فەرمانا ب سەرێ ئێزدیان هاتی كر و دیسان پرۆزی مەزنێ ل بەر دەست جەنابێ “سەرۆك بارزانی” كا چاوا كوردستان دقۆناغەكا نازك دایە و ئەو پرۆژە دێ جێبەجێببە و كوردستان ل نەخشێ جیهانی دێ بتە تشتەك و ئەو ئارمانج و هیڤیا مەزن یا هندە سالان گەلێ كورد ژێرا شەهیدا ددە و ئێزدیان ژی شەهید داینە و ئەو مەرەم وێ وەرە جی و ئەم ب وێ دەولەتێ شاد بین ل سەر دەستێ”سەرۆك بارزانی”.
پاش سەرۆكێ بنگەهێ لالش خەلات ل سەر یانێن بەشداربووی بەلاڤكرن،ل هەمبەردا گەنجان سوپاسیا “شێخ شامۆ”كر و خوشحال بوون و داخوازا سەخبێركرنا هۆلا گۆرەپانا وەزرشی یا خانكێ كر،هەروەسا شێخی سۆزدا وان كو لگەل لایەنێن پەیوەندیدار كاربكت بۆ جێبەجێكرنا داخوازیا وان.
تُتاح هذه الصورة أيضا في: کوردی