نێزیكی 70سەرێن پەزی ل گوندێ باجدكەندال دبنە قوربانی
تۆرا لالش یا راگەهاندنێ
ل گوندێ باجدكەندالا سەر ب ناوچەدارییا باتێلێ ڤە،گورگ دكەڤتە ناڤ پەزێ دوو وەلاتیان دا و نێزیكی (70) سەرێن پەزی دبنە قوربانی و دەه پەز ژی هەتا نۆكە دبێ سەرووشونن.
ئێك ژخودانێ پەزی”نەوزاد عافۆ” بۆ رۆژناما دەنگێ لالش خویاكر:”بەریا چەند رۆژان ل دەمێ رۆژئاڤا بوونێ پەزێ من و یێ مامێ من،شڤانان بۆ مەرەما چەروانێ بربوونە دەردۆرێن گوندی ول دەمێ ڤەگەریاین بۆ مالێ گورگ دكەڤتە دناڤ دا و پەزی بر دكت و بێ كو هەردوو شڤان ژێ بزانن و ژوان دزیت ودگەل خۆ دبتە چیایی،پشتی مە زانی پەزێ مە ب هژمار یێ كێمە و ئەم رابوون ل گوندی و دەردۆران لێ گەریان ،پشتی مە كەلەخ دیتین نێزیكی 30 سەرێن پەزی خواربوون و 40 سەرێن دیتر ژی برینداركربوون و وبێ سەرووبەركربوون و گۆت:”نێزیكی دەه پەزان ژی هەتا نۆكە دبێ سەرووشوونن و نەهاتینە دیتن و ئەم بەردەوام لێ دگەرن،لێ نە دوورە ئەو ژی بووبنە خوارنا گورگان كەلاخێن وان ژی نەدیارن”.
عافۆ گۆتژی ژبلی خودانكرنا پەزی چ كارێن دیتر مە نینن ئەم ژیانا خۆ یا رۆژانە پێ دەربازكن، لەوا داخوازێ ژ جهێن پەیوەندیدار دكەین،بەرامبەر ڤێ زیانا ب مالێ مەكەفتی ئەم بێینە قەرەبوكرن،داكو بكاربن بەردەوامیێ ب پەیداكرنا نانێ ژیانێ بدەن.
تُتاح هذه الصورة أيضا في: کوردی