پتری 300 مامۆستایێن پەروەردا تلكێفێ هاتینە دوورئێخستن
تۆرا لالش یا راگەهاندنێ
رێڤەبەرێ پەروەردا قەزا تلكێفێ ئاشكەراكر:”كو ژبەر كۆچبەریێ و شەرێ ناڤچەیێ پتری 300 مامۆستایێن پەروەردا وان هاتینە دوورئێخستن و پتری 10 مامۆستایان د مووسلێ دا ماینە دەمێ داعشێ هێرشی پارێزگەها مووسلێ كری”.
عەلی عیدۆ،بۆ رۆژناما دەنگێ لالش گۆت:” هەتا نۆكە مە چ ئاگەهی ژ وان مامۆستایان نینن و ئەم نزانین كا ماینە ساخ یان نە و چ پەیوەندی ژی لگەل رێڤەبەریا پەروەردا مە نەماینە و هندەك مامۆستایێن مە د مەسیحی بوون،پشتی ئەڤ ناڤچەیە كۆچبەر بووین هندەك مامۆستایێن مە ب بریارا رێڤەبەریا پەروەردا گشتی ل هندەك رێڤەبەریێن دی كارێ مامۆستایێ دكن”.
تەكەزكر:”ژبەر كێمیا مووچەیی هندەك مامۆستایێن مە بۆ خۆ كارێن دی دیتینە و كارێ مامۆستایێ هێلاینە،هەتا نۆكە ژی ئاریشەیا میلاكی ل رێڤەبەریا مە هەیە و دامەزراندن ژی هاتینە راگرتن و ب رێیا هندەك وانەبێژان مە میلاك پركریە”.
تُتاح هذه الصورة أيضا في: کوردی