سەرۆكێ دەستەیا بلندا بنگەهێ لالش پیرۆزباهيێ ل كەنالێ كوردستان تی ڤی دكت
تۆرا لالش یا راگەهاندنێ
شێخ شامۆ،سەرۆكێ دەستەیا بلندا بنگەهێ لالش پیرۆزباهی ل كەنالێ كوردستان تی ڤی كر ب هەلكەفتا بۆرینا 18سالان ل سەر دامەزراندنێ وێ،دووپاتكر كو كەنالی رۆلەكێ ئەكتیف دبەلاڤكرنا رەوشەنبیری و پێكڤەژیانا ئاشتیانە دناڤبەرا هەموو پێكهاتێن گەلێ كوردستانێ دا بەلاڤكریە.
دسەرەدانا خۆ دا و دگەل شاندەكێ پێكهاتی ژ ئەندامێن دەستەیا بلندا بنگەهێ لالش”شێخ شامۆ”رۆنكر بنگەهی كاری ژ لایێ راگەهاندنێ ڤە ب رێیا بەرنامێ سەما ببتە زنجیرەیەكا گەهاندنێ دناڤبەرا ئازارێن جڤاكێ ئێزدی و دەزگەهێن شۆلەژێ.
ژبال خۆڤە بەرێز”نسرەت هادی”رێڤەبەرێ نڤیسینگەها دهۆك یا كوردستانی تی ڤی خۆشحالیا ب سەرەدانا شاندێ ناڤبری دەربری و دووپاتكر كو بنگەهێ لالش بوویە قوتابخانەكا رەوشەنبیری بۆ ئاڤاكرنا پەیوەندییان و خورتكرنا پرۆسا پێكڤەژیانێ ل كوردستانێ ب گشتی و پارێزگەها دهۆكێ ب تایبەتی،ئاماژەكر كو كەنالێ كوردستان تی ڤی كەنالێ هەموو گەلێ كوردستانێ یە.
تُتاح هذه الصورة أيضا في: کوردی