ڤیان دەخیل: کێشەیا سەرەکی ھەبوونا پەکەکێ یە ل دەڤەرێ
WAAR – دهۆک:
پەرلەمانتارا کوردا ئێزدی ل جڤاتا نوونەرێن ئیراقێ راگەھاند؛ کێشەیا سەرەکی ل شنگالێ ھەبوونا پەکەکێ یە ل شنگالێ.
نڤێسنگەھا راگەھاندنێ یا پەرلەمانتارا کورد ڤیان دەخیل د راگەھاندنەکێ دا دلگرانییا خوە ل ھەمبەر روودانێن ئەڤرۆ یێن دناڤبەرا ھێزێن سەر ب پەکەکێ و پێشمەرگەیێن رۆژئاڤا دا چێبووین دیارکر، دوپاتکر ژی کو ئەڤ یەکە مەترسییە بۆ سەر ئێمناھی و سەقامگێرییا خەلکێ شنگالێ.
پەرلەمانتار ڤیان دەخیل داخواز ژ ھەموو ئالیان کر دەستێوەردانێ د ئێمناھییا شنگالێ دا نەکەن و ب رێێن دانوستاندنان داوییێ ب کێشەیان بینن و گۆت: کێشەیا سەرەکی ھەبوونا پەکەکێ یە ل دەڤەرەکێ، کو یا گرێدایی دەولەتا ئیراقێ و ماددەیا سەد و چل کو چاڤەرێی بریارا چارەنڤیسازە بھێت سەر ھەرێما کوردستانێ ڤە یان بمینیت سەر ب ئیراقەکا ئێکگرتی ڤە.
ھەروەسا گۆتییە؛ وان باوەرییەکا تەمام ب سیاسەتا مەسعوود بارزانی سەرۆکێ ھەرێما کوردستانێ ھەیە بۆ چوارچووڤەکرن و رێگریکرن ل بەرفرەھبوونا روودانێ.
تُتاح هذه الصورة أيضا في: کوردی