قایمقامێ شنگال: حکوومەتا عێراق بۆ دروستکرنا ئاژاوە پشتگیریا پەکەکێ دکت
باسنيۆز:
قایمقامی شاری شنگال حکوومەتی عێراق بە هۆکاری رووداوەکانی شنگال دەزانێت و رایدەگەیەنیت، بەغدا بۆ دروستکردنی ئاژاوە لە شنگال، پشتگیریی پارتی کرێکارانی کوردستان (پەکەکە) دەکات.
مەحما خەلیل، قایمقامی شنگال بە (باسنیوز)ی راگەیاند، ئەگەر لە شارەکە راپرسی بکرێت، زۆرینەی هاووڵاتییانی شنگال دەنگ بە گەڕانەوە بۆ سەر هەرێمی کوردستان دەدەن، بۆیە حکوومەتی عێراقی هەموو هەوڵێک دژی گەڕانەوەی شارەکە بۆ سەر هەرێمی کوردستان دەدات.
مەحما خەلیل پێیوایە دروستکردنی گرووپەکانی سەر بە پەکەکە لە شنگال و هاوکاریکردنیان لەلایەن حکوومەتی عێراقییەوە، یەکێکە لە هەوڵەکان دژی کوردستانی بوونی شنگال و گەڕانەوەی بۆ سەر هەرێمی کوردستان.
قایمقامی شنگال هەروەها رایگەیاندووە، حکوومەتی عێراق بەرپرسە لە هەر رووداوێک، کە چەکدارانی سەر بە پەکەکە ئەنجامی دەدەن، چونکە بۆ دروستکردنی ئاڵۆزی و ئاژاوە، هاوکاریی ئەو چەکدارانە دەکات.
تُتاح هذه الصورة أيضا في: کوردی