مالەكا ئێزدیا ل ئەلمانیا و دەستەیا بلندا بنگەهێ لالش ل دهۆكێ پەیوەندیان خورت دكن
تۆرا لالش یا راگەهاندنێ
پێخەمەت پتر خورتكرنا پەیوەندیان،گرۆپەكێ مالا ئێزدیان و كۆمەلا رۆناهی یا چاندی و جڤاكی ل باژێرێ دیفۆلزێ ئەلمانی سەرەدانا دەستەیا بلندا بنگەهێ لالش ل دهۆكێ وئێزدیێن كوردستانێ دكن.
ئەندامێ مالا ئێزدیان و كۆمەلا رۆناهی ل دیپۆلز(مەروان رەشۆ)بۆ دەنگێ لالش خویاكر،ب مەرەما هەڤناسكرن و موكومكرنا پەیوەندیان دناڤبەرا مە و هەموو دەزگەهێن رەوشەنبیری یێن ئێزدیان ل كوردستانا باشوور وەك نموونە دەستەیا بنگەهێ لالش یێ رەوشەنبیری و كۆمەلایەتی ل دهۆكێ و تا و نڤیسینگەهێن وێ ژی،وەكو گرۆپێ كۆمەلا رۆناهی و مالا ئێزدیان ل باژێرێ دیپۆلزێ مە سەرەدانا كوردستانێ كریە ،گۆتژی مە خواست ئەم نێرین و رەوشا ئێزدیێن خۆ ژی ببینن و سەرەدانا وان بكن ب تایبەتی ئەڤ خەلكێ مەیێ ئاوارەبووی و پەریشانیا وان دناڤ كەمپان دا ئەم رەوشا وان ب شۆپینن،ژبەركو پەیوەندیێن مە دگەل حكوومەتا ئەلمانیا گەلەك دخورتن،داكو ئەم ب رێیا وان بكاربن هاریكاریان بگەهیننە خەلكێ خۆ یێ ئاوارە ،هیڤیخوازن ئەڤ سەرەدانا مە ببە وەسیلەك دناڤبەرا مە و هەموو دەزگەهێن رەوشەنبیری و جڤاكا ئێزدی ل باشوور كو ئەم بكاربن ب هەڤرا دەنگێ ئێزدیان بلند بگەهینن هەموو جیهانێ،وەك ئەركەكێ ئاینی و نەتەوایەتی ژی هەردەم خزمەتكارێ كورد و كوردستانێنە.
رەشۆ ئەو یەك ژی دیاركر،سۆپاسیا بنگەهێ لالشێ ئەلمانیا دكن بۆ هاریكاریا وان دگەل مەدا،ژبۆ ڤێ سەرەدانێ و پەیوەندیێن مە دگەل هەڤ دخورتن،دیسان سۆپاسیا دەستەیا بلندا بنگەهێ لالش ل دهۆكێ دكەین و ب هەموو تایی و نڤیسینگەهێن وێ ڤە،كارو خەباتا ڤی بنگەهی و رۆلێ وان ب تایبەتی دڤێ كارەساتا شنگالێ ب بلند دنرخینین وهاریكاریا وان ژبۆ ئاوارەیان و هەتا نۆكە ژی دبەردەوامن.
تُتاح هذه الصورة أيضا في: کوردی