حسێن قائێدی: پلانا حکومەتا عێراقی دا نەبوو رەڤاندیێن ئێزدی ژمووسل بھێنە رزگارکرن
باسنيوز:
رێڤەبەرێ نڤیسینگەھا رزگارکرنا رەڤاندیێن ئێزدی، دیارکرکو دھاتە ھزرکرن 400 ھەتا 500 رەڤاندیێن ئێزدی ژ مووسل بھێنە رزگارکرن لێ نوکە چەند گەرەکێن کێم مایە بتنی ھەتا 20 رەڤاندیێن ئێزدی یێن ژمووسل ھاتێنە رزگارکرن.
حسێن قائێدی، رێڤەبەرێ نڤیسینگەھا رزگارکرنا رەڤاندیێن ئێزدی، بۆ (باسنیوز) دیارکر: “دەمێ پلانا رزگارکرنا مووسل ھاتیە دانان حکومەتا عێراقی پلانا رزگارکرنا رەڤاندیێن ئێزدی نە دانابوو لەورا ژێ رەڤاندیێن ئێزدی ھەموو ژێ مووسل نەھاتنە رزگارکرن ھەر ژ رۆژا ئوپەرسیونا مووسلێ ھەتا نوکە ھەتا 20 رەڤاندیێن ئێزدی یێن ژمووسل ھاتینە رزگارکرن د وەختەکێ دا مە ھزر دکر 400 ھەتا 500 رەڤاندیان دێ رزگاربن مخابن وەسا دەرنەکەڤت ئەوژی حکومەتا عێراقی نەیا ھەڤکار بوو بۆ رزگارکرنا رەڤاندیان”.
خۆیا ژی کر: “ھەتا نوکە سێ ھزار و 13 رەڤاندیێن ئێزدی ژدەستێن تیرۆرستان یێن ھاتینە رزگارکرن وھیشتا سێ ھزار و 400 رەڤاندیێن ئێزدی دەستێن تیرۆرستێن داعش دا ماینە ئەوژی پتریا وان بۆ سوریا یێن ھاتینە ڤەگوھاستنب شەڤ ورۆژ ئەم کاردکەین بۆ رزگارکرنا رەڤاندیێن ئێزدی ل ھەر جھەکێ بن”.
تُتاح هذه الصورة أيضا في: کوردی