ل دێرەبوونێ هاریكاری ل سەر ئاوارەیان هاتنە قوتكرن
تۆرا لالش یا راگەهاندنێ
ب بریارا پارێزگەها دهۆكێ،رێكخراوەكا ئەلمانی هاریكاریێن دراڤی ل سەر ئاوارەیێن ل دێرەبوونێ دئاكنجی قووتكرن.
كارمەندێ رێكخراوا كاریتاس یا ئەلمانی ل دێرەبوونێ و پێشخابوورێ ( تەلال عومەر) بۆ دەنگێ لالش دیاركر،ژبۆ باشتركرنا رەوشا ئاوارەیێن شنگالێ و دەشتا نەینەوا،ئەڤە نێزیكی سێ سالانە ژ هەموو ئالیان ڤە هاریكاریا پێشكێشی ئاوارەیان دكن و هەر سێ هەیڤا جارەكێ هاریكاریێن دراڤی دگەهیننە وان و هەر ئەندامەكی خێزانێ(50 $) ددایێ، لێ ل ڤێ جاری ب بریارا پارێزگەهێ مە نكاری هاریكاریا دراڤی ل سەر ئاوارەیێن ل دێرەبوونێ دئاكنجی بەلاڤ بكن و ل پێشخابوورێ بتنێ مە بەلاڤكرن.
خویاكرژی ئاوارە رۆژانە سەرەدانا جهێن حكومی دكن ل دەڤەرێ،ژبۆ هندێ رێ بدەن ئەم هاریكاریا دراڤی ل سەر وان بەلاڤ بكن و هێشتا رێ نەدانە،هەر دەما رێ دانە مە دێ دەست ب بەرنامێ خۆ یێ بەلاڤكرنا هاریكاریا دراڤی بكن ل سەر ئاوارەیێن ل دێرەبوونێ دئاكنجی.
تُتاح هذه الصورة أيضا في: کوردی