پهكهكێ 30 كهس ل شنگالێ كوشتینه و 500 ب دیل گرتینه
WAAR-دهۆك:
سهرۆكێ ئهنجوومهنا دهڤهردارییا شینگالێ رادگههینیت؛ تا نها پهكهكێ پتری 30 كهسان ل شنگالێ كوشتینه و زێدهتری 500 كهسێن دی ژی ژ ههردو رهگهزان ب دیل گرتینه.
وهیس نهواف، سهرۆكێ ئهنجوومهنا قهزا شنگالێ بۆ ئاژانسا ئهنادۆل دیاركرییه، ژ دهستپێكا هاتنا پهكهكێ بۆ شنگالێ تا نها، سیهـ كهس ب دهست چهكدارێن وێ هاتینه كوشتن و ههروهسا نوت كهسێن دی ژی هاتینه بریندار كرن.
ئاشكرا ژی كر، چهكدارێن پهكهكێ ل شنگالێ پتری پێنجسهد كهسێن دی ژی ژ ههردو رهگهزان ب دیل گرتینه.
سهرۆكێ ئهنجوومهنا قهزا شنگالێ گۆتییه: ههموو قوربانیێن دهستێ پهكهكێ ل شنگالێ نههاتینه قهرهبوو كرن و پهكهكه ژی رێگرییا كۆمكرنا بهلگه و دیكۆمێنتان ل دۆر وان قوربانییان دكهت.
ههروهسا ئاماژه كر، پهكهكه ب ئاوایهكێ پلان كری تاوانان ل شنگالێ دكهت و گۆت: پهكهكێ دستههلاتا خوه ب ئاوایهكێ وهها ل شنگالێ بهێز كرییه كو بۆ چ كهسهكی نینه سهرهدانا ناوچهیێن ژێر دهستههلاتا وێ بكهت.
تُتاح هذه الصورة أيضا في: کوردی