ئاوارێن ئێزدی ل دەڤەرا بارزان پێتڤی هاریكاریانە
تۆرا لالش یا راگەهاندنێ
ل گۆر گۆتنا ئاوارێن ئێزدی یێن ل دەڤەرا بارزان وناوچەدارییا بلێ ئاكنجی،دبارودۆخەكێ‌مادی یێ خراب دا دژین و ورێكخراوێن مرۆڤایەتی هاریكاری وان نەكرینە و پێتڤی ب ئالاڤێن هاڤینێ و هەر جۆرەكێ هاریكاریا نە،دخوازن شنگال تەنا بت و جارەكا دی ڤەگەرن سەر جی و وارێن خۆ.
(شرین ئێزدین)رزگاربوویەكا ئێزدی یە دیاركر،خەلكێ دەڤەرێ رێزەكە مەزن ل مە دگرت لێ مە دڤێت بزڤرینە شنگال و تەناهیلێ پەیدابت،هیڤیا مە هەموو ئێزدیان ئەوە ئەو گرتیێن ددەستێ داعشدا بێنە رزگاركرن، ل ڤێدەرێ بارودۆخێ مە یێ مادی یێ خرابە ورێكخراوێن مرۆڤی هاریكاریا مە ناكن و ئاستەنگ ونەخۆشیێن ژنێ ژیێن هەموویان پترن ژبەر كارێ وێ یێ ناڤ مالێ وبرێڤە برنا زارۆكا ونەبوونا چاڤدێریا ساخلەمی دبتە ئەگەر كو دەروونێ وان تێكبچت و پێتڤی چارەسەرییا دەروونی نە.
هەروەسا(خاتوون میرزا)ژنەكا ئێزدی یە دبێژت:ئاستێ ژیانا مە ب زەحمەتەو زارۆكێن مە پێتڤی جلكانە وبەرگانە و بارودۆخەكی دەروونی یێ ب زەحمەت داین ورێكخراوێن مرۆڤایەتی ژی هاریكارییا مە ناكن، هەروەسا ناوچەدارییا بلێ گەلەك هاریكاریە مە كریە هەر ژ دەمێ هاتینە دەڤەرێ،دیسان داخوازیێن مە ئەون كو ئەم ڤەگەرنە سەر جیێن خۆ وئەو گرتیێن ددەستێ داعشدا بێنە ئازادكرن.
ژلایێ خۆڤە ئاوارە(قاسم شەمۆ)گۆت:ئەم چاردە خێزانن دخیڤەتومالاندا دژین،بەلێ مە كێماسی ل ڤێدەر هەینە ب تایبەتی ئالاڤێن تەزیكرنێ و هاڤینێ،لەوا دخوازین بۆ مە بێنە دابینكرن و هیڤیا مە ئەوە ڤەگەرینە شنگالێ.
پشتی دەڤەرا شنگال كەفتیە دەستێ داعشد وئێزدی تووشی تووندترین تاوان بووین بگرەژ كوشتن وتالانكرن وئێخسیركرنا ئێزدیان و پتر ژسێ سەد هەزار كەسی ئاوارەی هەرێما كوردستانێ بوون و ل كەمپان و خیڤەت و مالان دا هاتینە ئاكنجیكرن،پتریا وان ل پارێزگەها دهۆكێ نە،زێدەباری هندێ گەلەك ژێ ل پارێزگەهێن هەولێر وسلێمانیێ نە.
تُتاح هذه الصورة أيضا في: کوردی