بنگەهێ لالش داخوازیێن خەلكێ كۆمەلگەها شاریا دگەهینتە ناوچەداریا فەیدیێ
تۆرا لالش یا راگەهاندنێ
شاندەكێ بنگەهێ لالش تایێ شاریا،ئیرۆ چارشەمبوویێ 19تەمووزا 2017ێ،سەرەدانا ناوچەداریا فەیدیێ كر.
ژبۆ گەهاندنا داخوازیێن خەلكێ كۆمەلگەها شاریا، شاندەكێ بنگەهێ لالش تایێ شاریا یێ پێكهاتی ژ بەرێز”دلگەش سەلیم شەمو” بەرپرسێ بنگەهی و بەرێز”بەرەكات شێخ میرزۆ” ئەندامێ بنگەهی،سەرەدانا سەرەدانا ناوچەداریا فەیدیێ كرن و ژلایێ بەرێز”عادل ئەمین عومەر”رێڤەبەرێ ناوچەداریێ ڤە هاتن پێشوازیكرن.
د هەڤدیتنێ دا و پشتی دانوستاندن و گەنگەشێ دگەل رێڤەبەرێ ناوچەداریا فەیدیێ و گەهاندنا داخوازیێن خەلكێ كۆمەلگەها شاریا،هەڤدەم لژنا ناوچا فەیدیێ یا پارتی دیموكراتی كوردستان،بەرێز “عادل ئەمین عومەر”ئاشكەراكر كو لبەرە ل دەمێ داهاتی دا چەندین پرۆژە بێنە ئەنجامدان مینا گەهاندنا كارەبا گشتی 24 دەمژمێری بۆ ٦ سیبایێن ئاڤا شاریا بۆ نەهێلانا ئاریشا كێم ئاڤیێ و چێكرنا باخچەیەكێ مەزن ل شاریا،هەروەسا گەهاندنا كارەبا موەلیدێ بنگەهێ لالش شاریا بۆ هەردوو هۆلێن لالش ئێك و دوو.
تُتاح هذه الصورة أيضا في: کوردی