شنگال.. پهكهكێ هێرشی دهزگایێ خێرخوازی یێ بارزانی كر
WAAR-دهۆک:
د سهر سالا كارهساتا شنگالێ دا، هێزهكا سهر ب پارتا كاركهرێن كوردستانێ پهكهكێ ڤه، ل سهرێ چیایێ شنگالێ، هێرشی دهزگههێ خێرخوازی یی بارزانی كر و داخوازا ئینانا خوارا ئالایێ كوردستانێ ژی كر.
نوح سلێمان هنارتیێ وار ل شنگالێ راگههاند؛ ئهڤرۆ ل دهمێ ساخكرنا بیرهوهرییا كارهساتا شنگالێ، هێزهكا سهر ب پهكهكێ ڤه، هێرشی دهزگههێ خێرخوازی یێ بارزانی كر و داخواز ژ كارمهندێن دهزگههی كر، ئالایێ كوردستانێ بیننه خوار و دهزگههی چوول بكهن، لێ هێزێن ئاسایشێ گههشتنه جهێ روودانێ و كونترۆلا رهوشێ كر.
ئاشتی كوچهر رێڤهبهرێ ئاسایشا دیجله بۆ وار گۆت: بۆ چ كهسهكی نینه د ناڤا ئاخا كوردستانێ دا ئالایێ كوردستانێ بینیته خوار و گۆت ژی: هێرشكرنا سهر دهزگایێ خێرخوازی یێ بارزانی و موزایدهیێن هێزێن نه قانوونی ل شنگالێ ب چ رهنگان ناهێنه قهبوول كرن.
تُتاح هذه الصورة أيضا في: کوردی