400 رزگاربوویێن ئێزدی دێ بۆ رۆمانیا هێنە رەوانەكرن
باسنيوز:
قائیمقامێ قەزا شنگال، دیاركر كو حكومەتا رۆمانیا رزامەندی نیشان دایه 400 كچ وژنێن ئێزدی یێن ژ دەستێن تیرۆرستێن داعش رزگاربووین، رەوانەی رومانیا بكەت ب مەرەما وەرگرتنا چارەسەری.
مەحما خەلیل، قائیمقامێ قەزا شنگال، بۆ(باسنیوز) دیاركر:” حكومەتا رۆمانیا دێ هەماهەنگیی دگەل حكومەتا هەرێما كوردستانێ كەت بۆ رەوانەكرنا وان 400 كچ و ژنان. ئه‌و بۆ ماوەیەكێ دێ ل رومانیا مینن بۆ وەرگرتنا چارەسەری. ل دەمەكێ نێزیك دێ نڤیسینگەها رزگاركرنا رەڤاندیێن ئێزدی ب رێكا حكومەتا هەرێما كوردستانێ ناڤێن وان كچ وژنان بەرهەڤ كەت دێ هێنە رەوانەكرن بۆ چارەسەرێ ل وەلاتی رۆمانیا”.
خویا ژی كر: ” ئەڤ كچ وژن و زارۆكێن دهێنە رزگاركرن زۆر یێن هاتینە ئێشاندن، گەلەك پێدڤی ب هەڤكاری و چارەسەرینە. نۆكە ل سەرۆكاتیا ساخلەمیا دهۆكێ سەنتەرەك بۆ چارەسەریا وان یێ هاتیە ڤەكرن وبەردەوام چارەسەریا هەموویان دكەت”.
تُتاح هذه الصورة أيضا في: کوردی