بارزانی: کوردێن ئێزدی دێ د دەولەتا کوردستانێ دا گەهنە هەموو مافان
WAAR-دهۆك:
سەرۆک بارزانی پێشوازی ل میرێ ئێزدییان و جڤاتا رۆحانی یا ئێزدییان کر و راگەهاند: دەستوورێ دەولەتا کوردستانێ دێ هەموو مافێن ئێزدییان پارێزیت.
مەسعوود بارزانی، سەرۆکێ هەرێما کوردستانێ ئەڤرۆ ل پیرمامێ پێشوازییا میرتەحسین بەگ، میرێ ئێزدییان، بابە شێخ و جڤاتا رۆحانی یا ئێزدییان کر و رەوشا نها و یا پاشەرۆژا هەرێمێ ب گشتی و ب تایبەتی پاراستنا مافێن پێکهاتەیێن کوردستانێ گۆتوبێژ کر.
سەرۆک بارزانی د کۆمبوونێ دا دییار کر: کوردێن ئێزدی د دیرۆکێ دا دوجارکی بووینە قوربانییێن ستەما دوژمنێن کوردستانێ، جارەکێ ژ بەر کو کوردن و جارەکا دی ژی ژبەر کو ئێزدی نە.
هەروەسا دا زناین: هەرێما کوردستانێ د دەما نڤێسینا دەستوورێ ئیراقێ دا کەفتە بەر دژاتییەکا مەزن ژ ئالییێ بەغدایێ ڤە تا کو شییایی هندەک ژ مافێن پێکهاتەیێن ئۆلی و نەتەوەیی بپاریزیت، و دوپات ژی کر: د دەستوورێ دەولەتا کوردستانێ دا دێ هەموو مافێن پێکهاتەیێن ئۆلی و نەتوەیی یێن کوردستانێ هێنە پاراستن.
ژ ئالییێ خوە ڤە میرتەحسین بەگ، میرێ ئێزدییان،پشتەڤانییا سەرخوەبوونا کوردستانی ژ ئالییێ هەموو کوردێن ئێزدی بۆ سەرۆک بارزانی دییار کر و راگەهاند: کوردێن ئێزدی د خوەشی و نەخوەشییان دا دەست ژ کوردستانێ بەرنەداینە و چ جاران بەرنادەن ژی.
تُتاح هذه الصورة أيضا في: کوردی