شنگال.. هەتا نهۆ نێزیكى 800 مامۆستایان دەست ژ دەوامێ بەرداینە
باسنيوز:
رێڤەبەرێ پەروەردێ ل قەزا شنگال دیاركر كو پەروەردا شنگال 1400 مامۆستا هەبوون، نۆكە بتنێ 600 مامۆستا ماینە یێن دی پتریا وان دەست ژ دەوامێ بەرداینە.
حوسێن خدر، رێڤەبەرێ پەروەردێ ل قەزا شنگال بۆ (باسنیوز) دیاركر: “بەری كارەساتا شنگال سالا 2014ێ پەروەردا شنگال 1400 مامۆستا هەبوون دەمێ كارەساتێ دەستپێكری هەتا نۆكە بتنێ 600 مامۆستایێن مە ماینە یێن دیتر ژی گەلەك ژوانا دەست ژ خاندنێ بەرداینە یێن هاتینە لادان و هندەك ژی مۆلەت بیێ مۆچە وەرگرتینە و هندەك ژی خوە تەنسیب كری ژ پەروەردا شنگال، یێن چووینە پەروەردا سلێمانیێ و دهۆك ودەڤەرێن دی یێن ئاوارێن ئێزدی لێ هەین”.
خویا ژی كر: “ل سنۆری پەروەردا شنگال 30 هزار قوتابی هەنە یا زەحمەت ئەم رێژا كێم یا مامۆستایان بشێن ڤێ ژمارا زۆر قوتابیان بۆ سالا نوو یا خاندنێ رێڤەببەن. ئەم داخوازێ دكەین مامۆستا بۆ پەروەردا شنگال بهێنە دابینكرن”.
تُتاح هذه الصورة أيضا في: کوردی