بهرێز”شێخ شامۆ” سەرەدانا قوتابخانا برايهتى ل کەمپا خانکێ کر
تۆرا لالش یا راگەهاندنێ
ئیرۆ رۆژا چارشەمبوويێ ٦/۱۲/۲٠۱۷،بەرێز “شێخ شامۆ” ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش،سەرەدانا قوتابخانا برايهتى(الناخي) ل کەمپا خانکێ كر و ژ ئالیێ كارگێریا قوتابخانێ ڤە ب گەرمی هاتە پێشوازیكرن.
د سەرەدانا خۆ دە بەرێز”شێخ شامۆ” ژ نێزیك ڤە هایداری رەوشا قوتابخانێ ب شێوەیەكێ گشتی بوو ود دیدارەكێ دە لگەل كارگێریا قوتابخانێ پشتەڤانیا خۆ بۆ پێشڤەبرن و رێڤەبرنا قوتابخانانێ دووپاتكر و گوهداری ل کێماسیێن وان كر داكو ئەڤ پرۆسە ب سەركەفتیانە ب رێڤە بچە.
ژلایەكێ دیڤە “شێخ شامۆ” دپەیڤەکێ دا بۆ قوتابیێن قوتابخانێ شرۆڤەکرنەکا گشتی دا سەر رەوش و پێشهاتێن کوردستانێ ب گشتی و شنگالێ ب تایبەتی و گۆت:”بلا ورەیا وە یا بلند بە و راستە بارودۆخێ وە یێ دژیانەكا سەخت و دژوار و ئاوارەیێ دە دەرباز دبە،بەلێ ئیرادا قوتابیێن مە ل سێ سالێ بۆری دا و نهۆ ژی بهێزترە ژڤێ چەندێ و داخوازا سەركەفتنێ بۆ وان كر و پشتەڤانیا خۆ بۆ وان و مامۆستایان دووپاتكر بۆ وێ ئێكێ بكارن سالەکا سەركەفتی و پلە و ئەنجامێن باش تەمام ببە”.
ل داویێ ژی مامۆستا و كارگێریا قوتابخانێ سوپاسیا”شێخ شامۆ”كرن كو هەر ژ دەستپێكا ڤێ قوتابخانێ ب پشتەڤانیا سەرۆكێ حكومەتا هەرێمێ رێزدار “نێچیرڤان بارزانی” درێخی نەكریە دپشتەڤانی و سەرراستكرنا كێماسیان دە و چاڤدێریەكا بەردەوام بۆ ئاریشێن مە كرینە،داكو ب سەركەفتیانە خزمەتا قوتابیان بكەین.
ئاشکرایە ئەڤە سێ سالە قوتابخانێن برايهتى ب پشتەڤانیا حكوومەتا هەرێما كوردستانێ دئێنە ڤەكرن،دڤان سالێن بۆری دە چارەنڤیسێ زێدەتر ژ( ٤٠٠٠)هەزار قوتابیێن ئێزدی یێن پۆلا دوازدێ قورتال كرینە و قۆناغا قوتابخانێ تەمام كرینە و بۆ زانكۆ و پەیمانگەهێن هەرێمێ هاتینە ڤەگوهاستن.
تُتاح هذه الصورة أيضا في: کوردی