دھۆک.. ل ناحیا باعەدرێ حەفت خيڤەتێن ئاواران ھاتنە سۆتن
باسنيوز:
بەرپرسێ پەیوەندی و راگەھاندنێ ل رێڤەبەریا بەرەڤانیا باژێری ل دھۆکێ دیارکرکو ئێڤاریا رۆژا 8/12/2017 ئاگر بەربوو حەفت خێڤەتێن ئاواران ل ناحیا باعەدرێ سەر قەزا شێخان ڤە.
بێوار عەبدولعەزیز، بەرپرسێ پەیوەندی و راگەھاندنێ ل رێڤەبەریا بەرەڤانیا باژێری ل دھۆکێ بۆ(باسنیوز) دیارکر:” ل کەمپا ئیسیان یا ئاوارێن کوردێن ئێزدی ل ناحیا باعەدرێ ئاگر بەربوو خێڤەتێن ئاواران دئەنجامدا ژی ھەموو کەل و پەل و پێدڤیێن ئاواران ھاتنە سۆتن وزیان گەھشتنە وان خێزانان لێ زیانێن گیانی نەبوون وپشتی تیمێن بەرەڤانیا باژێری چووینە جھێ روودانێ شیان کۆنترۆل بکەن ونەھێلان خێڤەتێن دی بھێنە سووتن”.
خویا ژی کر:” ئەڤ روودانا سۆتنێ ژ ئەنجامێ شۆرتا کارەبێ پەیدابوویە. ئەڤ سالە چەندین روودانێن دی یێن سۆتنا خێڤەتین ئاواران پەیدابووینە”.
تُتاح هذه الصورة أيضا في: کوردی