بنگەهێ لالش 25ملیۆن دینار وەك هاریكاری بسەر خێزانێن هەژار دا بەلاڤكرن ب هەلكەفتا رۆژیێن ئێزی
تۆرا لالش یا راگەهاندنێ/تایبەت
ب سەرپەرشتی و ئامادەبوونا بەرێز”شێخ شامۆ”سەرۆكێ دەستەیا بلندا بنگەهێ لالش یێ رەوشەنبیری و جڤاكی ل دهۆكێ،كوژمێ( 25)ملیۆن دیناران بسەر(500)خێزانێن دەست كورت و هەژار یێن ئاوارەیێن شنگالێ ل كەمپان هاتە بەلاڤكرن و بۆ هەر خێزانەكێ(50)هەزار دینار بوون و ب كوژمێ گشتی پتر ژ(25)ملیۆن دیناران،ب هەلكەفتا جەژنا رۆژیێن ئێزی.
د داخویانیەكێ دا بۆ تۆرا لالش یا راگەهاندنێ”شێخ شامۆ” گۆت:”ل سالێن بۆری بەری دەست بسەر داگرتنا گرۆپێ داعش یێ تیرۆرستی بۆ دەڤەرێن ئێزدیان وەك بنگەهێ لالش و كارمەندان پشكداری لگەل خەلكێ خۆ دهەموو رێورەسمێن ئایینی و نەتەوەیی و نشتیمانی دا دكر ل ئاهەنگ و ڤیستەڤالان و سەیران و سمیناران و چەندین هەلكەفتێن دیتر دا،بەلێ دسێ سالێن داویێ دا رەوش ب تەمامی جێواز بوو”.
رۆنكر:”مە نەڤێت ئەوا بنگەهێ لالش ب كارمەندێن خۆ ڤە پێشكێشكری دچەندەها جۆرێن پشتەڤانیێ دا بۆ خەلكێ مە یێ ئاوارەیێن ئێزدی دسێ سالێن بۆری دا شرۆڤە بكەین،ئەڤ كارە یێ دیارە لجەم هەموو خودان وژدانان”.
شێخی دیاركر:”دگەل نێزیكبوونا رۆژیێن ئێزی یێن ئەڤ سالە،ل دەستەیا بلند و تایی و نڤیسینگەهێن بنگەهێ مە بریار دا،پشتەڤانیا دارایی بۆ بنگەهێ مە و تایان بۆ خێزانێن دەست كورت و هەژار تەرخان بكەین ئەوێن زەرەرمەند بووین ژ جینۆسایدێ پاش دەست بسەر داگرتنا گرۆپێ داعش یێ تیرۆرستی بۆ قەزا شنگالێ ل سالا 2014ێ”.
دبەردەوامیا ئاخفتنا خۆدا گۆت:”ناڤێن هاتینە ژێرگرتن بۆ هاریكاریان ب هەماهەنگی لگەل برایێن بەرپرسان ل كارگێریێن كەمپێن ئاواران ل قەزایێن زاخۆ و سێمێل و شێخان،ب هەماهەنگی لگەل برایان ژ نوونەرێن رێكخستنێن لقێ (17)یێ پارتی دیموكراتی كوردستان ل كەمپان بوویە”.
هەروەسا “شێخ شامۆ” دا زانین ل سێ رۆژێن بۆری بەری جەژنا رۆژیان،سەرەدانا هەموو كەمپان ل قەزایێن هاتینە دیاركرن كر و لگەل خەلكێ خۆ ژ خێزانێن دەست كورت و هەژار كۆمبووین و هەر ئێكێ كوژمێ(50)هەزار دیناری وەرگرت و هەمان كوژمە ب(500)خێزانان هاتە دان و كوژمێ گشتی(25)ملیۆن دیناربوون”.
ژلایەكێ دنڤە سەرۆكێ بنگەهێ لالش ئاماژەكر:”ئەو كوژمێ پێشكێشی ڤان خێزانان كری كوژمەكێ ناڤەندە،بەلێ دێ هاریكاریا خەلكێ مە یێ دەست كورت و هەژار كت بۆ دابینكرنا هندەك كەلوپەلێن وان لڤان رۆژ پیرۆز لجەم مە هەموویان،ئەم دبینن ئەڤ پێنگاڤێن مە بۆ هندێ بوو پتر هایداری بارودۆخێ هەژاران بین ژ خەلكێ مە یێ ئاوارە،دێ بزاڤێ كەین زێدەتر پشتەڤانیێ پێشكێش بكەین لپێ شیانێن بەردەستێ بنگەهێ مە”.
هەژی گۆتنێ پشتەڤانیا دارایی یا بنگەهێ لالش یێ رەوشەنبیری و جڤاكی راستەوخۆ ژبال بەرێز”نێچیرڤان بارزانی”سەرۆكێ حكومەتا هەرێما كوردستانێ ڤە دئێتە كرن.
تُتاح هذه الصورة أيضا في: کوردی