بنگەهێ لالش:پيرۆزباهی ب هەلكەفتا جەژنا رۆژیێن(ئێزی)
ب هەلكەفتا جەژنا رۆژیێن(ئێزی) دەستەیا بلندا بنگەهێ لالش یێ رەوشەنبیری و جڤاكی جوانترین پیرۆزباهیان پێشكێشی گشت ئێزدیان ل هەرێما كوردستانێ و تەڤایا جیهانێ دكەین،هیڤیخوازین ئەڤ هەلكەفتە یا خێر و خۆشیێ بت بسەر گشتان دا،و دگەل رۆژێن جەژنێ خەلكێ خۆ یێ خۆشتڤی ژ گرتی و بێ سەروشوونێن ئێزدی ل بیر دئینین ئەوێن كەفتینە دەستێ تیرۆرێ پاش دەست بسەرداگرتنا شنگالێ،و داخوازێ ژ جیێن تایبەتمەند دكەین ل حكومەتا ئتیحادی ل بەغدایێ،چارەنڤیسێ دۆرێن(3)هەزار بێ سەروشوونبوویی و گرتیان ژ زارۆك و ژنان ئاشكەرا بكن ئەوێن هەتا ڤێگاڤێ چ ژ چارەنڤیسێ وان نزانین سەرەرای راگەهاندنا حكومەتا عێراقێ سەركەفتنا سەربازی ب تەمامی لسەر گرپێ داعش یێ تیرۆرستی دا،و دخوازین ژ گشت خەلكێ خۆ یێ جڤاكی ئێزدی دكەین دەست ب ئاشتی و پێكڤەژیانا ئاشتیانە بگرن، و چ كارێن بەروڤاژ نەكن كو كاریگەر بت بۆ سیمایێ جڤاكی و مرۆڤێ ئێزدی یێ بەرنیاس ب لێبۆرین و ئاشتیخوازیێ.
وجەژنا وە و كوردستانێ پیرۆز بت
دەستەیا بلندا بنگەهێ لالش یێ رەوشەنبیری و جڤاكی/دهۆك
14/12/2017
تُتاح هذه الصورة أيضا في: کوردی