وەیسی نایف: بەغدا فشارێ ل مە دکت بۆ ڤەگەرا ئاواران
باسنيوز:
سەرۆکێ جڤاتا قەزا شنگال، دیارکرکو حکومەتا عێراقی، فشاری ل مە دکەت بۆ زڤرینا ئاوارێن شنگال، مە ژی ب فەرمی حکومەتا عێراقی ئاگەھدارکریە ھەتا حەشدا شەعبی وپەکەکە شنگال چوول نەکەن خەلک نەشێن بزڤرن.
وەیسی نایف، سەرۆکێ جڤاتا قەزا شنگال، بۆ (باسنیوز) دیارکر: “حکومەتا عێراقی گەلەک ھەولدانان دکەت ئاوارێن شنگال بزڤرنە سەر مالێن خوە لێ خەلکێ شنگال نەشێن ڤەگەرن چونکو ئارامی ل دەڤەرێ نینە و خزمەتگوزاری نینە، ھەتا ئەڤرۆ 20/1/2018 ھزارەھا مالێن ل سەردەمێ تیرۆرستێن داعش ھاتبوونە پەقاندن و خرابکرن ودەمێ ئەم چووینە بەغدا، گەلەک فشار ل مە ھاتە کرن ئاوارە بزڤرنە شنگال لێ مە بەغدا ئاگەھدارکریە خەلک شنگال نەشێن زڤرن ھەتا حەشدا شەعبی و پەکەکێ ل شنگال بن”.
خویا ژی کر: “دڤێ حەڤتیێ دا دێ حکومەتا عێراقی نڤیسیارەکا فەرمی ئاراستەی پارێزگەھا مووسل کەت، بۆ کارکرنێ ل سەر وان سەرپێچیێن ل شنگال دھێنە ئەنجامدان. دێ کار ھێتە کرن ئێدی ئەو سەرپێچی دژی شنگالیان نەھێنە کرن”.
تُتاح هذه الصورة أيضا في: کوردی