سهیدۆ چهتۆ: ژیانا كوردان ل دهشتا نهینهوا كهفتیه مهترسیێ دا
باسنيوز:
سهرۆكێ لیستا برایهتی وپێكڤه ژیانێ ل جڤاتا پارێزگهها نهینهوا دیاركر، كو پشتی روودانێن 16 ئوكتۆبهرێ مهترسی ل سهر ژیانا كوردێن دهشتا نهینهوا ومووسلێ ژی دروست بوویه ژلایێ حهشدا شهعبی ڤه.
سهیدۆ چهتۆ، سهرۆكێ لیستا برایهتی وپێكڤه ژیانێ ل جڤاتا پارێزگهها نهینهوا، بۆ (باسنیوز) دیاركر: “ژبهر حهشدا شهعبی ههتا ملیون كهسان ژ خهلكێ مووسلێ نهشێن بزڤرنه سهر مالێن خوه، ههتا ئهڤرۆ 28/2/2018 ل لایێ راست یێ مووسل كوشتی دبن خانیان دانه، كهس وكارێن وان نهشێن قهستا مووسل بكهن بۆ دهرخستنا تهرمێ كوشتیان ژبهر مهترسیا مین وتهقهمهنیان. ههتا نۆكه حكومهتا عێراقی بۆ مووسل و دهشتا نهینهوا چوو نهكریه وههڤكار نینه بۆ زڤرینا ژیانێ ل دهڤهرێ”.
خویا ژی كر: “بتنێ لایێ چهپێ یێ مووسل خهلك یێ زڤرینه وژیان لێ دهێته رێڤهبرن، لێ ل لایێ راستێ یێ مووسلێ ژیان تێدا نینه”.
تُتاح هذه الصورة أيضا في: کوردی