ل شنگال خانیه‌كێ مینرێژكرى كه‌سه‌ك شه‌هید كر
باسنيوز:
جه‌لال خه‌له‌ف رێڤه‌به‌رێ كارگێریا قه‌زا شنگال دیار كر ئه‌ڤرۆ ده‌مژمێر (2:00) پشتى نیڤرۆ، ل كومه‌لگه‌ها (گرزه‌رك) ل سنورێ ناحیا (گرعزێر) ل سنورێ قه‌زا شنگالێڤه خانیه‌كێ مینرێژكرى په‌قى، كو ژ لایێ چه‌كدارێن داعش ڤه هاتبو مینرێژكرن، ژ ئه‌نجامێ ئه‌وێ رویدانێ كه‌سه‌كێ ب ناڤێ ناجى به‌رجس گیانێ خو ژ ده‌ست دایه.
رێڤه‌به‌رێ كارگێریا قه‌زا شنگالێ ئه‌و چه‌نده بو (باسنیوز) دووپاتكر ئه‌و كه‌سه زێره‌ڤانێ بورجێ تورا (ئاسیاسێلێ) بوو و ده‌ما قه‌ستا خانیه‌كێ كرى كو خانیێ كه‌س و كاره‌كێ وى بوو، لێ ژ به‌ر كو خانى ب ته‌مامى هاتبو مینرێژكرن و ئه‌و خانیه ب وى كه‌سى ڤه په‌قیه.
ناڤبرى گوتژى مه ب هه‌ماهه‌نگیا قه‌زا شنگالێ ته‌رمێ وى شه‌هیدى دناڤ وى خانیێ په‌قى دا ده‌رئێخستیه و مه ره‌وانه‌ى نوژداریا داد كریه و دویڤ دا خێزانا وى كو ئاكنجیێ كومه‌لگه‌ها شاریانه ل دهوكێ ته‌رمێ وى ره‌وانه‌ى ئاخێ كریه.
ناڤبرى هیڤی خواست خه‌لك خو نێزیكى وان خانیان نه‌كه‌ن ئه‌وێن هاتینه دیاركرن كو مینرێژكرینه، چونكه دێ ژیانا وان كه‌ڤیته به‌ر مه‌ترسیێ هه‌ر ده‌مێ خو نێزیك ژ وان خانیان بكه‌ن تا كو ئه‌و خانى و ئه‌و ده‌ڤه‌ره بهێنه پاقژكرن ژ وان مین و ته‌قه‌مه‌نیان.
تُتاح هذه الصورة أيضا في: کوردی