بنگەهێ لالش: ڤەكرنا رێیا شنگال بەرهەمێ سه‌ره‌دانا سەرۆك بارزانی يه بۆ بەغدا
باسنيوز:
بەرپرسێ بنگەهێ لالش یێ رەوشەنبیری و كۆمەلایەتی تایێ سنۆنێ ل قەزا شنگال دیار كر: “ڤەبوونا رێیا شنگال بۆ سحێلا ژ بەرهەمێ چوونا سەرۆك بارزانی یە بۆ بەغدا. ژ نۆكە و پێڤە ژی هەر تشتەكی بۆ شنگال بهێـتە كرن دێ بەرهەمێ چوونا سەرۆك بارزانی بیت بۆ بەغدا”.
سلێمان فانۆ، بەرپرسێ بنگەهێ لالش یێ رەوشەنبیری و كۆمەلایەتی تایێ سنۆنێ ل قەزا شنگال بۆ (باسنیوز) دیار كر: “نۆكە بەرهەمێ چوونا سەرۆك بارزانی بۆ بەغدا كەڤیتە وارێ بجه ئێنانێ دا ورێیا شنگال بۆ سحێلا هاتە ڤەكرن وپلان بۆ ئاڤەدانیا شنگال و ڤەگەریانا ئاوارێن شنگال ژی هەیە. ئەڤە هەموو بەرهەمێ چوونا سەرۆك بارزانی نە بۆ بەغدا. ژ نۆكە وپێڤە هەر تشتەكی بۆ شنگال بهێتە كرن دێ ژ بەرهەمێ چوونا سەرۆك بارزانی بیت بۆ بەغدا ئەو دان وستاندنێن دگەل لایەنێن سیاسی ل بەغدا هاتینە كرن”.
خویا ژی كر: “چارەسەركرنا ئاریشێن دەڤەرێن كوردستانێ یێن دەرڤەی هەرێما كوردستانێ ژی ژ بەرهەمێ سەردانا سەرۆك بارزانی یە بۆ بەغدا. نۆكە پاشەرۆژەكا گەش ل پێشیا مللەتێ مەیە”.
تُتاح هذه الصورة أيضا في: کوردی