بنگەهێ لالش پشکداری پرۆگرامێ ئاڤاكرنا ئاشتیێ ل هەولێرێ دبت
تۆرا لالش يا راگه‌هاندنێ/هه‌ولێر
دوهى رۆژا شەمبوویێ22ى كانوونا ئێكێ2018ێ لژێر دروشمێ (پێکڤە بۆ بەرەڤ یەکرێزیا جڤاکی) و ب پشكداريا شاندەکی بنگەهێ لالش تایێ شاریا پشکداری ۆرکشۆپەك لدۆر پرۆگرامێ ئاڤاكرنا ئاشتیێ بۆ لایەنێن پەیوەندیدار و شۆلەژێ ل هەولێرێ هات سازدان.
د ڤێ ۆرکشۆپێ دا كو ژلایێ رێکخراوا (تێرفند) ڤە هاتبوو رێکخستن نێزیکی (25) راهێنەر و شارەزا و چالاکڤانێن بوارێ ئاڤاكرنا ئاشتیێ ژ پێکهاتەیێن ئۆلی یێن جودایێن هەرسێ پارێزگەهێن هەولێر و دهۆك و مووسل پشکدار بوون،تێدا گەنگەشە لسەر هندەك خالێن گرێدايی ڤى بوارى ڤه هات كرن مینا خالێن لاوازی و بهێز و مەترسی و دەلیڤێن لبەر دەست،کو ل داهاتی ب شێوەیەکی باشتر و ب کریار کار لسەر ئێکرێزیا جڤاکی بێتە کرن دناڤبەرا پێکهاتەیێن جودا دا.
ژلايه‌كى دى ڤه رێكخراوێ داخواز ژ پشکداربوویێن هەرسێ پارێزگەهان کر چەند پرۆژەیان پێشکێشی بکن،داکو تەمویلا وان بێتە کرن و پرۆژە ل هەرسێ پارێزگەهان بێنە بحهئينان ب چاڤدێریا رێکخراوێ.
تُتاح هذه الصورة أيضا في: کوردی