لژنەیا لێکۆلینێن نێڤدەولەتی بریارا ڤەکرنا گۆرێن بکۆم یێن شنگالێ دا
WAAR-دهۆك:
لژنەیا لێکۆلینێن نێڤدەولەتی یا سەر ب نەتەوەیێن ئێکگرتی ڤە، سەره‌دانا گوندێ کۆچۆ كر و بریار ڤەکرنا گۆرێن ب کۆم یێن شنگالێ دا.
قەیسەر حەسەن پەیامنێرێ وار راگه‌هاند؛ ئه‌ڤرۆ لژنەیا لێکۆلینێن نێڤدەولەتی یا سەر ب نەتەوەیێن ئێکگرتی ڤە، سەرا گوندێ کۆچۆ دا و ل گەل خەلکێ گوندی ل سەر ژڤانێ ڤەکرنا گۆرێن ب کۆم یێن ل سەر دەستێ رێکخستنا تیرۆرستی یا داعشێ چێبووین كۆمبوون و بریار دا ل دەمەکێ نێزیک گۆرێن ب کۆم بھێن ڤەکرن.
رێکخستنا داعشێ یا تیرۆرستی ل پازدەیی تەباخا سالا دوھزار و چواردێ کۆمکۆژی ل دژی خەلکێ گوندێ کۆچۆ کربوو، تا نھا ژی ب وێ ئەگەرێ دوازدە گۆرێن ب کۆم ھاتینە دیتن.
گوندێ کۆچۆ سیھـ و پێنج کیلۆمەتران ژ ئالیێ باشۆر ڤە ژ سەنتەرێ دەڤەردارییا شنگالێ دوورە، ل دووڤ ئاگەھیێن پەیامنێرێ وار نۆزدە کەس ژ کۆمکۆژیێن گۆرێن بکۆم رزگاربووینە.
تُتاح هذه الصورة أيضا في: کوردی