ڤیستەڤالا شاریا یا کەلتۆری هاتە گێران
تۆرا لالش يا راگههاندنێ/شاريا
ژبۆ بەردەوامیدان ب کەلتۆرێ باب و کالان و وەک نەریتەک سالانە،ڤيستهڤالا شاريا ياكهلتۆرى يا ههمهجۆر ب چهندين پهنهلێن جۆرا و جۆر هاته گێران.
ئيرۆ سێ شەمبوویێ 22/1/2019ێ ل هۆلا لالش ئێك،بنگەهێ لالش تایێ شاریا ب هەماههنگی دگەل رێکخراوا ئێمه بۆ گەشەپێدانا جڤاکی و ب ئامادەبوونا ژمارەکا کەسایەتیێن سیاسی و حکومی و حزبی و نوونەرێن رێکخراوێن جڤاکێ سڤیل و ريهسپی و ماقولێن دەڤەرێ و کچێن رزگاربووی و رەوشەنبیر و خەلکێ دەڤەرێ و ئاوارێن شنگالێ،ڤیستەڤالا کەلتۆری لدۆر کەلتۆرێ دەڤەرا شاریا ب چەندین نمایشێن جۆراوجۆر گێران.
ل بهراهيێ وهك رێزگرتن بۆ گیانێ پاکێ جانگۆریێن کورد و کوردستانێ و سەرکێشێ وان بارزانیێ نەمر و کاک ئیدریسێ جانەمەرگ ئامادهبوويى خۆلهكهكێ سهكنين،ل پێرا رێورەسمێن ڤیستەڤالێ دەستپێکرن.
ل پەنەلێ ئێکێ دا بەرێز(دلگەش سهلیم) بەرپرسێ بنگەهی لالش تایێ شاریا و خانم (کاژین جلال) نوونەرا رێکخراوا ئێمە پهيڤهك پێشكێشكرن و هەردوو ئالیان بخێرهاتنا مێهڤانان کر و سوپاسیا وان ئالیان کرن هاریکاربووین دگەل لژنا بەرهەڤکار ژبۆ گێرانا ڤێ ڤیستەڤالێ،پاشی باوەرنامێن پشکداریێ و رێزلێنانێ لسەر خۆبەش و پشكدارێن خۆلێن هاتینە ئهنجام دان ژ ئالیێ بنگەهێ لالش و رێکخراوا ناڤهاتی ڤە هاتنە بهلاڤكرن،پاش هەلکرنا بخورێ و سروودا شەرفەدین ژبال گرۆپەکی زارۆکێن ئاوارە هاتنە نمایشکرن و سترانەکا کەلتۆری ژلايێ زارۆکەکی ئاوارە ڤە هاتە گۆتن.
د پەنەلێ دووێ دا دوو پێشانگەهـێن وێنێن کەلتۆرێ ئێزدیان و کارێن دەستی هاتنە نمایشکرن.
د پەنەلێ سێیێ و داویێ دا پێشانگەها خوارنێن کەلتۆری هاتە نمایشکرن کو خوارنێن هەردوو دەڤەرێن شاریا و شنگال بخۆڤە دگرت كو ژلايێ کۆمەکا دهیک و رزگاربوویێن دەستێ داعش هاتبوونە بەرهەڤکرن.
تُتاح هذه الصورة أيضا في: کوردی