كچەكا ئێزدی:داعش ناچار كرین زمانێ كوردی ژبیر بكەین
تۆرا لالش یا راگەهاندنێ
كچا رزگاربوویا ئێزدی(هوەیدا ئلیاس)لڤێ داویێ ل بیابانێن پارێزگەها ئەنبار ژ دەستێن تیرۆرستێن داعشێ هاتیە رزگاركرن و دوازدە جاران هاتیە كرین و فرۆتن،ئاماژێ ب وێ چەندێ ددەت كو داعش ناچار كر زمانێ دەیكێ ژبیر بكن و ب ئەرەبی باخڤن.
لدۆر چیرۆكا خۆ كچا رزگاربوویا ئێزدی(هوەیدا ئلیاس)بۆ رۆژناما دەنگێ لالش ئاشكەراكر، ل وان چەند سالێن دەستێن تیرۆرستێن داعش دا ئازار دداین و ناچاركرین زمانێ دەیكێ كو زمانێ كوردی یە ژبیر بكەین و ب زمانێ ئەرەبی پاخڤین،هەروەسا چەندین جاران دناڤبەرا سووریا و عێراقێ دا هاتن و چۆن كریە و دوازدە جاران هاتیمە كرین و فرۆتن و گۆت:((بەریا نەه هەیڤان تیرۆرستێن داعش دگەل هەفت تیرۆرستان ژ وەلاتێ سوریا رەوانەی بیابانێن پارێزگەها ئەنبار یا عێراقێ كرم،دئۆپەراسیۆنەكا لەشكەری دا ژبال ئەمریكا و سوپایێ عێراقێ ڤە هاتمە رزگاركرن و ئەو هەر هەفت هاتنە كوشتن،پاش هاتم رەوانەكرن بۆ بەغدا پشتی هنگی رادەستی كەس و كارێن خۆ هاتم كرن.
هوەیدایێ خویاكر،پشتی رزگاربوونێ ژ دەستێن داعش نهۆ ل كۆمەلگەها شاریا ئاكنجی مە و دەست ب ژیانەكا نوو كریە.
تُتاح هذه الصورة أيضا في: کوردی