مەحما خەلیل: كار لسەر جینۆسایدا شنگال دئێتە كرن
باسنيوز:
قایمقامی شنگال پشتی پوستی شیرەتگاریا پەرلەمانێ كوردستانێ وەرگرتی بۆ (باسنیوز) دیار كر بەرنامەكێ رێك وپێك بۆ شنگال و جینۆسایدا شنگال دێ پێشكیشی پەرلەمانێ كوردستانێ كەت.
مەحما خەلیل، بۆ (باسنیوز) گۆت: “بۆ جینۆسایدا شنگال دی كار كەین، چونكو ئەڤە دوسیەیا دبەرژوەندیا مرۆڤایەتی و هەموو خەلكێ كوردستانێ دایە داكو چوو جارێن دی جینۆسایدا بسەری خەلكێ مە مەهێن ومللەتی مە ژی وەكو مللەتی هەموو دونیایی ب مافێن خوە شاد بن هەموو هەولدانان دی كەین بۆ دەستڤە ئێنانا هەموو پالپشتی بۆ جینۆسایدا شنگال هەروەسا ژی بۆ ئیكلایكرنا چارەنڤیسی دەڤەرێن مە دگەل بەغدا و ڤەگەریانا ئاواران بۆ سەر جه و مالێن وان و بنبركرنا ئەو زێدەگاڤیێن ل وان دەڤەران دهێنە كرن”.
خۆیا ژی كر: “بەرنامەكێ رێك وپێك دی دانن ب هەڤكاریا و هەماهەنگیا هەڤالان ل پەرلەمانێ كوردستانێ بۆ شنگال و باشكرنا رەوشا شنگال هەموو روویەكی ڤە دی هەموو شیانیێن خوە بۆ خزمەتكرنا خەلكێ خوە ل پەرلەمانێ ئێخمە دكارێدا”.
تُتاح هذه الصورة أيضا في: کوردی