بنگەهێ لالش رێڤەبەرێ بنگەهێ ساخلەميا باعەدرێ خەلاتکر
تۆرا لالش:
پێخەمەت بلند نرخاندنا کەد و خزمەتا کەرتێ ساخلەمیێ بگشتی و بنگەهێ ساخلەمیێ یێ باعەدرێ ب تایبەتی هەمبەر خەلکێ دەڤەرێ و کارکرن بێ ماندووبوون ئەڤە بۆ دەمێ چەندین سالانە و پێشکێشکرنا خزمەتێن ساخلەمی و ب تایبەت د رووبرووبوونا نەخۆشیا کۆرۆنا و درێغینەکرن د دەرحەقێ خەلکێ خۆدا.
ئیرۆ دانێ سبێ رۆژا پێنج شەمبوویێ رێکەفتی (3 / 6 / 2021) بنگەهێ لالش تایێ باعەدرێ رابوو ب خەلاتکرنا رێڤەبەرێ بنگەهێ ساخلەمیێ باعەدرێ ڕێزدار (د. دلحق جانگیر صورو) ب باوەرناما ڕێزلێنانێ ل فەرمانگەها ساخلەمیا ناڤبری.
د ددەمێ سەرەدانێ دا بەرپرسێ بنگەهێ لالش تایێ باعەدرێ بەڕێز (خلات باعەدری) دەست خۆشی ل رێڤەبەرێ بنگەهێ ساخلەمیێ باعەدرێ کرن و هەموو کارمەند و ستافێن کاری د ئەرک و کارێ وان یێ پیرۆزدا و داخواز سەرکەفتنێ و سەرفرازیێ بۆ وان خواست د کاروانێ وان یێ مرۆڤایەتی دا.
ژئالیێ خۆڤە دکتۆرێ ناڤبری سۆپاسی و پێزانین و خۆشحالیا خۆ دەربڕی هەمبەر ڤێ ڕێزلێنانێ و ب هاندانەکا مەزن ل قەلەم دا ژبۆ بەردەوامی بوون دکاری دا پێخەمەت بەرژەوەندیا گشتی یا دەڤەرێ.
هەژی گوتنێ د هەمان دەم دا ژلایێ کارگێڕیا ئامادەیا باعەدرێ ژی ڤە هاتە خەلاتکرن.
تُتاح هذه الصورة أيضا في: کوردی