سوپاسناما به‌هیداریێ ژ مالباتا شێخ شامۆ
ب ده‌ستوری ب ناڤێ خودێ
“گه‌له‌ك هه‌نه دلبكه‌سه‌رن
خه‌وێن شه‌ڤا ژ خوه دبرن
سه‌ر قه‌وم و ملله‌تێ خوه ئیب هه‌گه‌رن
ل دنێ و ئاخراتێ ل چوو بازارا ناخسرن”
***
“هه‌كه دنیا هه‌می لێك جه‌ما بی
ل سه‌ر رایه‌كێ راوه‌ستابی
بێی فروارا خودێ به‌لگێ دارێ ژ دارێ نابی”
**
“حه‌یفه ئه‌م ژێك ببن جودا
یا خودێ حزن و گری هه‌ردووك ته دا
ئه‌م درازینه ب حوكمێ خودا”
***
ب ناڤێ مالباتا شێخ شامۆ و گشت كه‌سوكارا سوپاسدار و منه‌تكارێ خودێ و ڤان به‌رێزانه،
یێن كو هه‌ر ژ ده‌مێ نه‌خوه‌شكه‌تنا خودێ ژێرازی شێخ شامۆ و تاكو مالئاڤایی كرنێ و رێوره‌سمێن حه‌دوسه‌دكرن و سپارتنا جه‌نازه‌یێ وی ب ئاخێ و گێرانا تازیێ ژ مه نه‌ڤه‌قه‌تیاین و ب دلسۆزی و دلۆڤانی بمه‌را سه‌كنین هه‌لگرێ ڤێ خه‌ما گران و داخا دژووار بوون.
-رێزدار جه‌نابێ سه‌رۆكێ مەیێ خۆشتڤی سەرۆک مه‌سعود بارزانی هه‌ڤخه‌میا جه‌نابێ وان ب په‌یوه‌ندیێن به‌رده‌وام و بروسكه‌یا به‌هیداریێ و به‌شداریا نوینه‌رێ جه‌نابێ وان ل رێ و ره‌سمێن پێشوازیكرنا جه‌نازه‌یێ ره‌حمه‌تی و دانانا تاجه‌گولینه‌یا وان.
-رێزدار جه‌نابێ سه‌رۆكێ هه‌رێمێ كاك نێچیرڤان بارزانی په‌یوه‌ندیا جه‌نابێ وان یا تلفونی ل گەل مالباتا مە و به‌شداریا نوینه‌رێ وان و دانانا تاجه‌گولینەیا ل رێ و ره‌سمێن پێشوازیكرنا ل جه‌نازه‌یێ خودێ ژێ ڕازی.
-منه‌تكارێ رێزدار كاك مه‌سرور بارزانی سه‌رۆكێ حكومه‌تا هه‌رێما كوردستانێ نه، هه‌لوێست و لێپرسینا جه‌نابێ وان ل ده‌مێ چاره‌سه‌ركرنێ و پشتی وه‌فاتكرنێ و حزورا جه‌نابێ وان ل مه‌راسیما پێشوازیكرن ل جه‌نازه‌یێ ره‌حمه‌تی و دانانا تاجه‌گولینه‌یا جه‌نابێ وان وه‌فا بوو بۆ خزمه‌ت و خه‌باتا ره‌حمه‌تی و رێزگرتن بوو ل مالباتێ و هه‌می جڤاكا ئێزدی.
-بروسكه‌یا حكومه‌تا ویلایه‌تێن ئێكگرتی یێن ئه‌مریكا و حكومه‌تا ئه‌لمانیا و برێتانیا و كه‌نه‌دا و تركیا و هه‌می كونسلی و بالیۆزخانه و دبلۆماتێن سه‌ره‌خوه‌شی ل مه كرین
،نرخاندنێن وان بۆ كار و خه‌بات و كه‌سایه‌تیا خودێ ژێرازی جهێ سه‌رفه‌رازیا مه بوو.
-جه‌نابێ میرێ ئێزدیا و سه‌ماحه‌تا بابا شێخ و جڤاتا رۆحانی و هه‌می ئۆلدارێن ئێزدیا و خلمه‌تكارا، و هه‌می ماقول و كه‌سایه‌تی و موختار و خه‌لكێ ئێزدی ل هه‌می ده‌ڤه‌ر وگوند وكۆمه‌لگه‌ها منه‌تا وا سه‌ر سه‌ر و سه‌رچاڤێن مه خودێ خلمه‌تا هه‌میان قه‌بولكه.
-سوپاس بۆ هه‌می خه‌لكێ كوردستانێ و هه‌ڤسۆزیا وان دگه‌ل ڤێ خه‌ما گران و ب تایبه‌ت خه‌لكێ هێژایێ ده‌ڤه‌را بادینان ب هه‌می پێكهاتێن نه‌ته‌وی و ئۆلی و مه‌زهه‌بی ڤه.. هه‌لویست و هه‌ڤخه‌میا ڤی خه‌لكێ جوامێر جهێ رێز وپێزانینا مالباتێ و هه‌می ئێزدیخانێ یه.
-سكرتێر و ئه‌ندامێن مه‌كته‌با سیاسیا پارتی دیموكراتی كوردستان و ئه‌ندامێن سه‌ركردایه‌تی و به‌رپرسێن له‌قێن پارتی و ئۆرگانێن پارتی
هه‌روه‌ها هه‌می سه‌ركرده و پارت و لایه‌نێن سیاسی یێن كوردستانی و عراقی یێن به‌شداری د تازیێ دا كرین.
– ئه‌نجومه‌نێ وه‌زیران و سه‌رۆكاتیا په‌رله‌مانێ كوردستانێ و جڤاتا دادوه‌ری و وه‌زیر و راوێژكار و په‌رله‌مانتارێن كوردستانێ و عراقێ و پارێزگارێ هه‌ولێر و پارێزگارێ دهۆك و سه‌رپه‌رشتێ ئیدارا سه‌ربخوه یا زاخۆ و پارێزگارێ نه‌ینه‌وا و جڤاتێن پارێزگه‌ها دهۆك و هه‌ولێر و سه‌رۆك زانكۆ و گشت فه‌رمانده وپله‌دارێن له‌شكه‌ری وئه‌منی و رێڤه‌به‌رێن گشتی و قایمقام و به‌رپرس و وه‌زیفه‌دار ل هه‌ر ئاسته‌كێ، بگره ژ ئه‌كادیمی و دكتۆر و مامۆستا و قوتابی و گه‌نج و ئافره‌ت و هۆنه‌رمه‌ند …) و گشت سازی و كه‌سایه‌تیێن جڤاكی و سیاسی و ره‌وشه‌نبیری و جڤاكا سڤیل.
-خه‌لكێ هه‌رچار پارچێن كوردستانێ و ره‌ڤه‌ندا كوردستانی ل ده‌رڤه‌ی وه‌لات و ئێزدیێن مه یێن ده‌رڤه و هه‌می رێكخستن و مال و كۆمه‌ل و سازیێن مه ل وان وه‌لاتا،رێز و پێزانینێن مه بۆ وان هێژایێن ئه‌رك كشاندین و ب تازیا خوه زانین و ل چه‌ندین باژارێن ئۆرۆپا تازی داناین و خه‌لكێ مه‌یێ هێژا به‌شداریه‌كا كارا دڤێ خه‌ما مه‌زن دا كرن.
-خه‌لكه‌كی زۆر ژ سۆڤیه‌تا به‌رێ روسیا جۆرجیا ئه‌رمینیا و ئۆرۆپا و تركیا سوریا ئه‌رك كشاندن ب مه‌را ل نه‌خۆشخانێ حازربوون و هتاكو تازی ب داوی هات ژمه نه‌ڤه‌قه‌تیان و رێكێن دوور و زه‌حمه‌تی دیتن مالا وان ئاڤا.
-سوپاسیه‌كا تایبه‌ت بۆ نوینه‌راتیا حكومه‌تا هه‌رێمێ و بالیۆزخانا عراقێ ل ئه‌نقه‌ره ، ئاسانكاریێن پێویست ئه‌نجامدان ژبۆ چاره‌سه‌ری و ڤه‌گوهاستنا جه‌نازه‌یێ ره‌حمه‌تی.
سوپاسیێن مه‌زن پێشكێشی نڤیسینگه‌ها جه‌نابێ سه‌رۆكوه‌زیر كاك مه‌سرور بارزانی دكن كو ل سه‌ر راسپه‌رده‌یێ جه‌نابێ وان به‌رده‌وام ل سه‌رخه‌ت بوون درێخی نه‌كرن دڤێ ته‌نگاڤی په‌ریشانیا ب سه‌رێ مه دا هاتی.
هه‌روه‌ها پرۆتۆكۆلێ حكومه‌تا هه‌رێمێ مه‌راسیمه‌ك شایسته و ژ هەژی ژبۆ پێشوازیكرن و حه‌د وسه‌دكرنا جه‌نازه‌یێ ره‌حمه‌تی رێكخستن و دام وده‌زگه‌هێن حكومه‌تێ پۆلیس و پێشمه‌رگه هاتن وچۆن و دگه‌لدا هه‌ڤالێن بنگه‌هێ لالش و رێڤه‌به‌ریا گشتی یا كاروبارێن ئێزدیا رۆل و ئه‌ركێ وان یێ پیرۆز ل به‌ر چاڤێ مه‌یه.
هه‌روه‌ها سوپاسیا هه‌می ده‌زگه‌هێن راگه‌هاندنێ دكن یێن كو به‌رده‌وام ب شێوه‌كی لایق رومالا ڤێ رودان و مسیبه‌تا مه‌زنكری، و پێزانینێن مه بۆ ئه‌كاونتێن تۆرێن جڤاكی و هه‌ر كه‌سه‌كی ب هه‌ر شێوازه‌كی ب نامه و په‌یوه‌ندیێن تلفونی سه‌رخوه‌شی ل مه كرین.
سوپاسدار ومنه‌تكارێن خودێ و ڤی خه‌لكێ هێژا هه‌میێ نه
بلا خودێ و خودانێ شێخ خێرا هه‌می لایه‌كی قه‌بوولبكه
بلا سه‌رێ ڤی خه‌لكێ هێژا و كه‌س و كارا ساخ بمینه
ده‌هه‌ره بابۆ ئۆخر و فه‌له‌كێن ته یێن خێرێ بن بلا گیانێ ته شاد و ته‌نابه جهێ ته بوهه‌شت به ژ تالیه خوه‌ره دوعاچیبه
هه‌ره و مزگینیێ بده كاروانیێن شه‌هید و جانگۆریا بێژێ رێك و رێبازێن وه به‌رده‌وامن ، ئێزدی و كوردستان دده‌سته‌كی ئه‌مین دانه و سه‌ركێشێ گه‌میا سه‌رفرازی و ئازادیا گه‌ل و وه‌لاتێ مه سه‌رۆك بارزانی یه و خه‌بات و ماندووبوونا وه ب هه‌ده‌ر نه‌چۆیه و ناچه و ئه‌م ل كنارێ سه‌رفرازیێ نه.
بلا خودێ ده‌ریێن خێرا بۆ ملله‌تێ مه‌ی ئێزدی و شنگالێ و كوردستانێ ڤه‌كه
ئیمان و تفاق یه ل جی به
روحا ره‌حمانی
نابت فانی
هه‌ردێ زڤرته به‌رده‌ستێ خودانی
((ئه‌م دكێمن و خودێی تمامه))
مالباتا خودێ ژێ رازی شێخ شامۆ
٢٦ ی كانونا دووێ ٢٠٢٢
تُتاح هذه الصورة أيضا في: کوردی
