سالڤەگەرا دامەزراندنا بنگەهێ لالش ب چەندین چالاكیان دێ ئێتە ساخكرن
تۆرا لالش/دهۆك
جێگرێ سەرۆكێ بنگەهێ لالش دیاركر؛كو رۆژا 12/5/2022 دبتە 29ی مین سالڤەگەرا دامەزراندنا بنگەهێ لالش و ئەڤ بیرەوەری ب چەندین چالاكیێن هەمەجۆر دێ ئێتە ساخكرن.
ئيرۆ رۆژا شەمبوویێ 7ى ئهيارا 2022ێ كۆمبوونا ئاسایی یا دەستەیا بلندا بنگەهێ لالش ب سەرپەرشتیا بهرێز”حاكم بەرجەس”جێگرێ سەرۆكێ بنگەهێ لالش و ئەندامێن و دەستەیا بلند و بەرپرسێن تایان هاتە ئەنجام دان.
دكۆمبوونێ دا چەند تەوەر هاتنە بەحسكرن ژوان ژی ساخكرنا بیرەوەریا دامەزراندنا بنگەهێ لالش ب چەندین چالاكیان كو تێدا چەند وێنەیێن چالاكیێن دەستەیا بلند و تایی و نڤیسینگەهان دێ ئێنە نیشاندان دگەل پێشكێشكرنا دوو سمیناران و بەلاڤكرنا گۆڤارا لالش،پاشی دانانا تاجە گولینان ل سەر گۆڕا خودێ ژێ رازی شێخ شامۆ و پیر خدر سلێمان.
دتەوەرەكێ دی یێ كۆمبوونێ دا رەوشا نۆكە یا شنگالێ هاتە گەنگەشەكرن و دوپاتی ل ب جهئینانا رێككەفتنا دناڤبەرا هەولێر و بەغدا دا هاتە كرن،زێدەباری سوپاسیا تایی و نڤیسینگەهێن لالش هات كرن بۆ خزمەتكرنا ئاواران،دهەمان دەمدا سوپاسیا ئیدارا پارێزگەها دهۆكێ و رێڤەبەریا كۆچ و كۆچبەران هاتە كرن بۆ دووڤچوونا ئاوارەیان و بەردەوام خزمەتكرنا خەلكی.
ل داویا كۆمبوونێ گەنگەشە دناڤبەرا ئەندامێن دەستەیا بلند و بەرپرسێن تایان لسەر گرنگترین كار و بزاڤ و چالاكیێن بنگەهێ لالش دا هاتەكرن.
تُتاح هذه الصورة أيضا في: کوردی