ل كۆمه‌لگه‌ها شاریا ورکشۆپەك ل دۆر یاسایا رزگاربوویان هاتە سازكرن
تۆرا لالش:
دوهى 30 تيرمه‌ها 2022،ل كۆمه‌لگه‌ها شاريا ورکشۆپەك ل دۆر یاسایا رزگاربوویان هاتە سازكرن و تێدا خال و برگێن یاسایێ هاتنه شلۆڤه‌كرن.
ب پشتەڤانیا رێکخراوا رابە بۆ گەشەپێدان و ئاڤاکرنا شیانا،رێکخراوا نوپێل بۆ گەشەپێدانا جڤاکی ب هەماهه‌نگی دگەل بنگەهێ لالش تایێ شاریا ل هۆلا لالش ئێک رابوون ب سازكرنا ورکشۆپەکێ ل دۆر یاسایا رزگاربوویان، ب پشكداريا 25 کەسان ژ رزگاربووی و ئاوارێن شنگال و خوه‌جهێن كۆمه‌لگه‌هێ،کو ژلایێ خانما پارێزەر “سوزان خودێدا” ڤه دهاتە ب رێڤەبرن.
مەرەم ژ ئەڤێ چالاکیێ رۆنکرنا خال و برگێن ئەڤێ یاسایێ و دیارکرنا گرنگیا وێ بوون بۆ رزگاربوویان تایبەت کچ و ژنێن رزگاربوویێن ژ دەستێ تیرۆرستێن داعش.
تُتاح هذه الصورة أيضا في: کوردی