بنگەهێ لالش دیدارەك بۆ ب جینۆساید ناساندنا كۆمكوژیا ئێزدیان گێڕا
تۆرا لالش_دهۆك
ل ڕێككەفتی 12/1/2022،ل هۆلا شێخ شامۆ ل بنگەهێ لالش ل دهۆكێ و ب بەرهەڤیا ژمارەكا زۆر یا ڕەوشەنبیر و كەسایەتییان،دیدارا لالش (5) ل ژێر ناڤێ(جینۆسایدا ئێزدیان و دادپەروەری) هاتە گێڕان.
ب بەشداربوونا د. محەمەد احسان وەزیرێ مافێ مرۆڤی یێ بەرێ و د. دیندار زێباری رێكخەرێ راسپاردێن نێڤ دەولەتی ل حكوومەتا هەرێما كوردستانێ وحسێن قاسم حسون راوێژكارێ سەرۆكێ هەرێما كوردستانێ، دەستەیا بلندا بنگەهێ لالش دیدارا لالش (5) ل ژێر ناڤێ(جینۆسایدا ئێزدیان و دادپەروەری) گێڕا و ژ ئالیێ د.سەعید خودێدا ڤە هاتە ب ڕێڤەبرن.
د دیدارێ دا ئەو كارەساتێن د درێژاهیا دیرۆكێ دا ب سەرێ جڤاكا ئێزدیان دا هاتین و ب تایبەت كۆمكوژیا ئێزدیان ل شنگالێ ل سەر دەستێ ڕێكخراوا داعش یا تیرۆرستی هاتنە نیشاندان.
لدووڤدا هەر ئێك ژ د. محەمەد احسان وەزیرێ مافێ مرۆڤی یێ بەرێ و د. دیندار زێباری رێكخەرێ راسپاردێن نێڤ دەولەتی ل حكوومەتا هەرێما كوردستانێ وحسێن قاسم حسون راوێژكارێ سەرۆكێ هەرێما كوردستانێ،بەحس ل كۆمكوژیا ب سەرێ ئێزدیان دا هاتی ل شنگالێ ل 3ی تەباخا 2014 و چاوانیا هاڤێتنا پێنگاڤێن نوو بۆ ب جینۆسایدناساندنا كۆمكوژیێن ب سەر ئێزدیان هاتین كر و بجهئینانا دادپەروەریێ و سزادانا تیرۆرستێن داعش كر.
هەر د دیدارێ دا چەندین تەوەرێن دی ل دۆر جینۆسایدا ئێزدیان و دادپەروەری هاتنە بەحسكرن.
تُتاح هذه الصورة أيضا في: کوردی