ب ئامادەبوونا بابێ شێخ و ئۆلدارێن ئێزدیان ڕێورەسمێن ڕۆژیێن چلێ زڤستانێ ب ڕێڤەدچن
تۆڕا لالش:
ئيرۆ ئێك شه‌مبوويێ 24ى كانوونا ئێكێ 2023ێ،ب ئاماده‌بوونا بابێ شێخێ ئێزديان،شێخ عەلی شێخ ئه‌لیاس و جۆقەتا خۆ،ڕێورەسمێن ڕۆژیێن چلێ زڤستانێ ل پەرستگەها لالش ب ڕێڤه‌چوون.
د زڤستانێ دا ئەڤ چل ڕۆژە، ڕۆژێن هەری سارن و هەر کەسێ ڤان ڕۆژیان بگرە دڤێت (٤٠) ڕۆژی دگەرما هاڤینێ و هەر سال د سەرمایا زڤستانێ دا ڕۆژیان بگرە و دبێژنێ (چلەگر).
ئەڤ ڕۆژیێن چلێ زڤستانێ ژ (12 ی کانوونا ئێکێ ڕۆژهەلاتی هەتا 20 ی کانوونا دووێ ب هژمارا ڕۆژهەلاتی دەست پێ دکەت،ئانکو (25 ی کانوونا ئێکێ یا زاینیی هەتا 2 ی سباتێ یا ب هژمارا زاینیی).
ڕۆژا داوی یا چلە دبە جەژن و ڕێورەسمێن ڤێ جەژنێ ل پەرستگەها لالش دئێنە گێران و دبێژنێ جەژنا چلێ زڤستانێ.
تُتاح هذه الصورة أيضا في: کوردی