ل بنگههێ لالش دانوستاندنهكا ڤهكرى ل دۆر ڕۆلێ ئافرهتێ و ئاستهنگيان ب ڕێڤهچوو
تۆڕا لالش/دهۆك
ب بهرههڤبوونا كۆمهكا كهسايهتى و مامۆستا و ڕهوشهنبيران و ئافرهتان،ئيرۆ 7ى ئادارا 2024ێ،پێنج شهما ڕهوشهنبيرى ل بنگههێ لالش ل دهۆكێ ل دۆر(ئافرهت دجڤاكێ كوردى دا..ئاستهنگى و هيڤى)بۆ”د. ڤيان سلێمان” سياسهتمهدار و ڕۆژنامهڤان هاته ل دارخستن و تێدا دانوستاندنهكا ڤهكرى ل سهر ههمان بابهت هاته كرن.
پشتی خۆلەکەکێ بێدەنگی ڕاوەستیان، ل سەر گیانێ پاکێ جانگۆريان و سەروەرێ وان بارزانیێ نەمر و کاک ئیدریسێ ھەردەم ساخ،ڕێزدار “سهعيد جردۆ” سهرۆكێ دهستهيا بلندا بنگههێ لالش بخێر هاتنا تهڤايا ئامادهبوويان كر و سازكرنا ڤان جۆره بزاڤێن ڕهوشهنبيرى ژلايێ بنگههى ڤه ل دۆر پرسێن ههمهجۆر ب گرنگ دا زانين.
ل دووڤدا د. ڤيان سلێمان چهندهكێ ل سهر ڕۆلێ بنگههێ لالش بۆ پێشخستنا بزاڤا ڕهوشهنبيرى ئاخفت و ئاماژه دا كار و چالاكيێن ئهنجام ددهت،پاشى دهست ب گۆتنا بابهتێ خۆ كر و باس ل ڕۆلێ ئافرهتا كورد و ئاستهنگيێن دكهڤنه ههمبهر دا كر ودياركر ئافرهتا كورد ڕۆلهكێ باش ل ناڤا سازيێن حكومى دبياڤێن جودا جودا و ههتا ب ڕێڤهبرنا كاروبارێن مالێ گێڕايه.
ههروهسا دبهردهواميا ئاخفتنا خۆ دا جهخت ل ديتنا ڕێگه چارهسهرييان بۆ ئاستهنگێن ئافرهتا كورد و هيڤيێن وێ ل پێشهرۆژێ دا كر.
د. ڤيان سلێمان گۆهدارى بير و بۆچۆنێن ئامادهبوويان كر و دانوستاندنەکا ب تێر و تەسەڵ و گەنگەشەکا پر ب مفا دناڤبەرا ئامادەبوویان دە پەیدابوو و بەرسڤا پرسیارێن هاتنە دان.
ل گۆڕهى بهرنامهكێ دارشتى يێ بنگههێ لالش ل دهۆكێ،ل ههموو ههفتيان دێ پێنج شهما ڕهوشهنبيرى و دانوستاندنهكا ڤهكرى دهربارهى بابهتهكێ جۆراوجۆر بۆ ڕهوشهنبيران ئێته ل دارخستن.
تُتاح هذه الصورة أيضا في: کوردی