لژێر دروشمێ (چەکێ مە ڕاستی و زانینە و یێ نەخووینیتن وی ژین نینە) ب هەلکەفتا سالرۆژا دامەزراندنا بنگەهێ لالش – تایێ باعەدرێ، کۆمەکا قوتابی، ڕێڤەبەر و مامۆستایان هاتنە خەلات کرن.

ل ژێر چاڤدێرییا فەرهاد میکائیل قادر، ڕێڤەبەرێ پەروەردا شێخان و ب  ئامادەبوونا سالەح حەیدەر، بەرپرسێ لقا 20 یا پارتی و سەعيد جردۆ، سەرۆکێ بنگەهێ لالش ل دهۆکێ و ژمارەکا زۆر ژ ڕێڤەبەر و بەرپرسێن دام و دەزگەهێن حکومی و حزبی ل باعەدرێ و دەڤەرێ و قوتابیێن سەرکەفتی و مالباتێن وان، بنگەهێ لالش تایێ باعەدرێ ڕێوڕەسمێن خەلاتکرنا بتر ژ 80 قوتابییێن سەرکەفتی ل قوتابخانەیێن سەنتەرێ ناحیا باعەدرێ دگەل ڕێڤەبەر و مامۆستایان خەلات کرن.

ئەڤ چالاکییە ب مەبەستا پشتەڤانیکرنا خواندن و هاندانا قوتابیێن سەرکەفتی و بەلاڤکرنا کەلتوورێ زانست و سەرکەفتنێ هاتە ڕێکخستن.