تۆرا لالـش
د چوارچۆڤێ کار و چالاکیێن خوە یێن جۆراوجۆر دا، بنگەهێ لالش تایێ سنونێ رابو ب ئەنجامدانا هەوەکا بەرفەرهـ یا چاندنا شتلێن داران ل ناڤەندێن خواندنێ ل سەنتەرێ ناحیا سنونێ.
تێ زانین ب ئامادەبوونا سەرۆکێ بنگەهێ لالش، رێزدار (سەعید جردۆ) و ب هەڤالینیا رێزدار (سلێمان ڤانۆ) سەرۆکێ دەستەیا رێڤەبەرا بنگەهێ لالش تایێ سنونێ، ئەڤ هەوا ژینگەهپارێزیێ بۆ دەمێ دوو رۆژان (دووشەمبی و سێشەمبوویێ، رێکەفتی ٣٠ و ٣١ی ئادارا ٢٠٢٦ێ) یا بەردەوام بوو.
د ڤێ هەوێ دا، پتر ژ ٥٠ شتلێن داران و زێدەباری ب دەهان کولیلکێن جوانیێ ل حەوشە و گۆرەپانێن چار قوتابخانێن سەنتەرێ ناحیا سنونێ هاتنە چاندن.
ئەنجامدانا ڤێ چالاکیێ ژ لایێ بنگەهێ لالش ڤە بۆ چەند ئارمانجێن سەرەکی دزڤرت، ژ وانژی بلندکرنا ئاستێ جوانیێ و زێدەکرنا رێژەیا کەسکاتیێ ل ناڤ قوتابخانان و ئاڤاکرنا ژینگەهەکا پاقژ و گونجای بۆ پرۆسەیا خویندنێ و باشترکرنا بارێ دەروونی و سایکۆلۆجی یێ قوتابی و مامۆستایان ب رێکا دیمەنێن سروشتی.
ئەڤ کارە دهێتە ئەنجامدان وەک پشكهك ژ خزمەتێن بەردەوام یێن بنگەهێ لالش بۆ سازیێن پەروەردەیی و جڤاکی ل دەڤەرێ.
تُتاح هذه الصورة أيضا في: کوردی