کۆمپانیا ئەپڵ ب ٣٠٢ ملیۆن دۆلاران هاتە سزادان
ئێن ئارتى
دادگەهەکا فیدرالی ل تەکساس ب تاوانا بنپێکرنا مافێ کۆمپانیایەکێ، کۆمپانیا ئەپڵ ب ٣٠٢ ملیۆن دۆلاران سزادا.
ئەپڵ ب بێ هایداریا کۆمپانیا ڤینسنت تەکنەلوجیایەکا پاراستنا وێ کۆمپانیێ د سیستەمێ خو دا بکارئانی یە، کۆمپانیا ڤینسنت تایبەتە ب بوارێ سکیوریتی و تەکنەلوجیایا وێ د هنەک تایبەتمەندیێن سیستەمێ ئەپڵ دا وەکی “ئەپی فەیس تام” هاتیە بکارئانین.
ناکوکیێن ناڤبەرا ئەپڵ و ڤینسنت ڤەدگەریت بۆ سالا ٢٠١٠ێ، و ژ وی دەمی هەیا نها چەندین جاران ل دادگەهێ رویبریێ هەڤدوو بوونە.
د نها دا تێ پێشبینی کرن کۆمپانیا ئەپڵ رویبریێ تۆمەتەکا دی ببیت ژبەر بکارئانینا تەکنەلوجیایا کۆمپانیا ڤینسنت.
ئەگەر ئەف تومەتە بسەر کۆمپانیا ئەپڵ دا ساخبوو وی دەمی دێ رویبریێ سزایەکێ گرانتر ببیت.
زێدەباری وێ ئێکێ ژی، تێ پێشبینی کرن لهەمبەر بکارئانینا تەکنەلوجیایا پاراستنا ڤینسنت د ئەپی ئای مەسج دا جارەکا دی بێتە سزادان.
ئاژانسا نووچەیێن رویتەرز بەلاڤکریە، کو وان پەیوەندی ب پەیڤدارەکێ کۆمپانیا ئەپڵ ڤە کریە، لێ رەتکر کو داخویانیێ ل سەر وی بابەتی بدەت.
تُتاح هذه الصورة أيضا في: کوردی