تۆرا لالش
ئیرۆ، رۆژا سێشهمبوویێ رێكهفتی 31ـی ئادارا 2026، شاندهكێ دیار یێ هونهرمهندێن رۆژئاڤایێ كوردستانێ سهرهدانا بنگههێ لالش یێ رهوشهنبیری و كۆمهلایهتی ل پارێزگهها دهۆكێ كرن، شاندێ مێهڤان پێكهاتبوون ژ هۆزانڤانێ ناڤدار فهرهاد مهردی، هونهرمهندا دهنگخۆش نهسرین بۆتانی و هونهرمهندێ ناڤودهنگ دهلیل مێرخاس ژ “هونهرگهها وهلات”.
شاندێ هونهرمهندان ب گهرمی ژ ئالیێ بهرێزان سهعید جردۆ، سهرۆكێ بنگههێ لالش، و هژمارهكا ئهندام و كارمهندێن دهستهیا بلند ڤه هاتنه پێشوازیكرن.
د روونشتنهكێ دا، سهعید جردۆ سهرۆكێ بنگههێ لالش پهیڤهك پێشكێش كر و تێدا ب شێوهیهكێ بلند نرخاندنا خوه بۆ رۆلێ وان هونهرمهندان د قادا هونهری و نهتهوهیی یا كوردستانێ دا دیار كر.
هونهرمهندان ژی ئاماژه ب وێ چهندێ دا كو: “ئێزدی پێكهاتهیهكا رهسهن و دێرین یا گهلێ كوردستانێ نه و خودان كهلتوور و فلكلۆرهكێ دهولهمهندن كو پشكهكا سهرهكی یه ژ ناسناما مه.
ههروهسان خۆشحالیا خوه ب ڤێ سهرهدانێ نیشان دان و تهكهزی ل سهر وێ چهندێ كر كو ئهركێ وان یێ هونهری یه بێ جیاوازی خزمهتا گهلێ كوردستانێ بكهن.
د دوماهییا دیدارێ دا، ههردوو ئالییان ههڤدهنگ بوون ل سهر پهیداكرنا ههماههنگیهكا دناڤبهرا ههڤدوو دا، ژ پێخهمهت پاراستن و گهشهپێدانا كهلتوور و فلكلۆرێ كهلهپۆرێ كوردستانێ.
تُتاح هذه الصورة أيضا في: کوردی