تۆرا لالش
ب دڵەکێ پر ب خەم و بریندار، بنگەهێ لالش یێ ڕەوشەنبیری و کۆمەڵایەتی ل دهۆکێ د دوازدەهەمین بیرەوەرییا کۆمکوژیا جەرگبرا گوندێ کۆچۆ دا، پەیامهكا هەڤخەمیێ بهلاڤدكهت.
پشتی ڕێکخراوا تیرۆرستی یا داعش دهڤهرا شنگالێ ل رێكهفتی 3/8/2014ێ داگیرکری و بۆ هەیاما چەندین ڕۆژان گوندێ کۆچۆ دوورپێچکری، ل ڕێککەفتی 15-8-2014ێ مەزنترین تاوان و جینۆساید ل دژى ئێزدىیان ئەنجامدان، پشتی داخوازا گوهۆڕینا ئاینی ژ ئێزدییان هاتیە كرن و ڕەتکرن، تیرۆرستان ژن و زاڕۆک ژ زەلامان جوداکرن و زێدەتری ژ 400 گەنج و زەلامێن گوندی ب کۆم شەهیدکرن و د گۆڕێن ب کۆم دا ڤەشارتن.
د ڤێ هێرشا هۆڤانە دا، ب سەدان کچ و ژنێن ئێزدی ب دارێ زۆرێ هاتنە ڕەڤاندن و ل بازاران کرین و فرۆتن ب وان کر، وەکو هەر کەلوپەلەکی بێ بها؛ ئەڤە ژی جارا ئێکێ بوو د چەرخێ بیست و ئێکێ دا ل سەرانسەری جیهانێ ب ڤێ ڕەنگێ درندە سەرەدەری دگەل مرۆڤان بێتە کرن، گرتن و ڕەڤاندنا ئافرەتێن ئێزدی دیاردەکا جەرگبرە و شەرمەزاریەکا مەزنە بۆ مرۆڤایەتیێ.
د ڤێ بیرئینانا دلشهوات دا، ئهم ڤێ كۆمكووژیێ ب تووندی شهرمهزار دكهین و دیسان تەئکیدێ دکەینەوە کو هیڤی و داخوازیێن مه ئهون كۆمكووژییا ئێزدییان ل شنگالێ ل سەر ئاستێ نێڤدەولەتی ب جینۆساید بهێته ناسكرن، و هەموو ڕهڤانديێن ئێزدی چارهنڤیسێ وان بهێته دیاركرن و رزگاركرن و قەرەبوویا زیانپێکەفتییان بێتە کرن.
ههزار سلاڤ ل سهر گیانێ پاکێ جانگۆریێن گوندێ کۆچۆ و تهڤایا جینۆسایدا ئێزدیان، و ڕوورەشی بۆ تاریپهرستان.
بنگههێ لالش یێ ڕهوشهنبیری و كۆمهڵایهتی / دهۆك
15/8/2026
تُتاح هذه الصورة أيضا في: کوردی