تۆرا لالش
ئیرۆ ل ڕێكه‌فتی 22/10/2026ـێ، ب ئاماده‌بوونا ژماره‌یه‌كا ره‌وشه‌نبیر و ئه‌كادیمی و ئافره‌تان، د چارچۆڤه‌يێ پێنجشه‌مبا ڕه‌وشه‌نبيرى دا، بنگه‌هێ لالش يێ ڕه‌وشه‌نبيرى و كۆمه‌لاتى ل دهۆكێ دانوستاندنه‌كا ڤه‌كرى ل دۆر “ڕۆلێ ئێكه‌تييا ئافره‌تان د پێگه‌هاندنا ئافره‌تا ئێزدى دا ” بۆ ” دلڤين خه‌له‌ف” ئه‌نداما ئێكه‌تييا ئافره‌تێن كوردستانێ سازكر.
ل ده‌ستپێكێ ئاماده‌بووی خۆله‌كێ بۆ گیانێ پاكێ شه‌هیدان و سه‌روه‌رێ وان بارزانیێ نه‌مر و كاك ئه‌دریسێ هه‌رده‌م ساخ سه‌كنین.
دووڤدا سمینارێ ده‌ستپێكر و دلڤین خه‌له‌ف به‌حس ل بابه‌تی كر و كار و خزمه‌ت و ئاسته‌نگێن ل پێشیا ژنێ ب تێروته‌سه‌لی دانه دیاركرن.
پاشان دانانا میكانزمه‌كا گونجایی بۆ زێده‌تر خزمه‌تكرنا ژنا ئێزدی ژ ئالیێ جهێن شۆله‌ژێ ڤه هاته شرۆڤه‌كرن و داخواز هاته كرن چه‌ندین پرۆژه ل شنگالێ بهێنه جێبه‌جێكرن یێن گرێدایی ب ئێكه‌تیا ئافره‌تان ڤه، هه‌روه‌سان داناسینا دیرۆكا ئێزدیان ژ ده‌ڤه‌رێن جودا جودا یێن كوردستانێ ب ریێا ئێكه‌تیا ئافره‌تان ژ ڤه‌رێژا كۆمبوونێ بوو.
دووڤدا ده‌رگه‌هێ گه‌نگه‌شێ هاته ڤه‌كرن و ناڤهاتیێ به‌رسڤا هه‌موو پرسیار و تێبینیێن ئاماده‌بوویان كرن.
تُتاح هذه الصورة أيضا في: کوردی