وێنە ل سەر روودانێن شنگالێ كێشاینە
تۆرا لالش یا راگەهاندنێ
وێنەكێشەكێ دەڤەرا شنگالێ دكورتە دیدارەكێ دە بۆ رۆژناما دەنگێ لالش راگەهاند:”پشتی رێكخراوا تیرۆرستیا داعش دەست ب سەر شنگال داگرتی،ژۆرا وی یا وێنەكێشانی و هەر وێنەیەكێ ل وێ دەڤەرێ مایی كو دگەهنە 30وێنەیان ژناڤبرن،دبێژت ژی وی وێنە ل سەر روودانێن شنگالێ و كەلتۆرێ وێ زەنگین كێشاینە و هەتا نۆكە هزر د ڤەكرنا پێشانگەهان دا نەكریە”.
وێنەكێش”باسل بەدەل سلێمان” دیاركر:” بەری دەست ب خووندنا سەرەتایی بكەم فێری هۆنەرێ وێنەكێشانێ بوویمە و كەسێ فێرنەكریمە ،ل دەستپێكێ وێنەیێن سروشتی و گیانەوەیران من كێشاینە،پشتی باش فێربوویم من وێنەیێن هەمەجۆر كێشان ،وەكی(هۆنەرمەندێن كەڤنار یێن شنگالێ،كەلتۆر، فلكلۆر، منار و كەلها شنگال )،زێدەباری هندێ من وێنە گل سەر روودانێن شنگالێ و كەلتۆرێ وێ زەنگین كێشاینە،پشتی رێكخراوا تیرۆستیا(داعش)دەست ب سەر شنگال داگرتی،ژۆرا وی یا وێنەكێشانی و هەر وێنەیەكێ ل وێ دەڤەرێ مایی كو دگەهنە 30وێنەیان ژناڤبرن،هەروەسا پشتی كارەساتێ من وێنە ل سەر مێرخاسێن وێ دەڤەرێ دگەل روودانێن جەرگبر كێشاینە وەكی (شێخ خێری شێخ خدر) و بالیۆزا نیاز پاقژیێ(نادیا موراد)”.
سلێمان ئەو چەندە ژی خویاكر:”د زارۆكینیا خۆدا هەتا نۆكە نێزیكی هەزار وێنەیان كێشاینە و وێنەیێن من هەمەجۆرن ئەوژی(سروشت،وەلات،ئەڤینی، گیانەوەر ) و دشیاندامە هەر رۆژەكێ وێنەكی بكێشم،سەرەرای كێشانا گەلەك وێنەیان،هێشتا من هزر د ڤەكرنا پێشانگەهان دا نەكریە”.
باسل بەدەل سلێمان ژدایكبوویێ سالا 1995،قۆناغا سەرەتایی و هەتا دووێ ناڤنجی خووندیە،نۆكە ئاوارەیە ل كۆمەلگەها شاریا،ژبەر دژواریا ژیانا ئاوارەیێ ناچاربوویە دەست ژ خووندنێ بەردەت و كاربكت.
تُتاح هذه الصورة أيضا في: کوردی