هۆنەرمەندەكێ باعەدرێ كلیپەك ل ئەلمانیا دروستكر
تۆرا لالش یا راگەهاندنێ
هۆنەرمەند”عەتمان میرۆ” خەلكێ ناوچەدارییا باعەدرێ یە و نۆكە ل ئەلمانیا دژیت،بۆ سەرێ سالا نوو ل وی وەلاتی دەست ب دروستكرنا كلیپەكێ كریە بناڤێ (من تو هێلایی)،نۆكە كەفتیە د قۆناغا مونتاجكرنێ دا.
میرۆ،بۆ رۆژناما دەنگێ لالش دیاركر:”ژبۆ سەرێ سالا نوو یا2017ێ زاینی،مژوولی دروستكرنا كلیپەكێ مە بناڤێ (من تو هێلایی) و نۆكە ژ قۆناغا وێنەكرنێ داوی هاتیە و كەفتیە د قۆناغا مونتاجكرنێ دا،ناڤەرۆكا وێ ل سەر ئەڤینداریا كورەكی و كچەكێ یە ژ مرۆڤێن ئاقل و تێگەهشتی نە و گەلەك حەژ هەڤدوو دكن ،لێ هەزار دیوار دناڤبەرا وان دا هەینە،لەوا ناچار دبن دەستان ژ هەڤدوو بەرددەن”.
زێدەتر گۆت:”كلیپ ژ پەیڤێن هەلبەستڤانێ گەلێ كورد(ئەدیب چەلكی)یە و ژ ئاواز دانەر (عەزیز كەریم)ە ،ل ستۆدیۆیێن وەلاتێن ئەلمانیا و توركیا كار ل سەر دابەشكرنا موزیكێ هاتیە كرن و ژ دەرهێنانا دەرهێنەر (عادل ئاكرەیی)یە ب كامیرا (رێد دراكون)ب تەكنیكەكا گەلەگ باش وێنەكریە ل باژێرێ (هانۆڤەر)ل وەلاتێ ئەلمانیا”.
تُتاح هذه الصورة أيضا في: کوردی