باراك ئۆباما: هه‌تا نها 120 سه‌ركرده‌یێن داعشی هاتینه كوشتن
وار
سه‌رۆكێ ئه‌مریكا ئاشكه‌را كر، هه‌ڤپه‌یمانییا نێڤده‌وله‌تی، هه‌تا نها سه‌د و بیست سه‌ركرده‌یێن داعشێ كوشتینه و گۆت: ئه‌و رێكخستنا تیرۆرستی یا پاشڤه‌دچیت.
باراك ئۆباما پشتی كۆمبوونا دگه‌ل تیمێ ئاسایشا نه‌توه‌ییا ئه‌مریكا، راگه‌هاند؛ رێكخستنا داعشێ د ره‌وشا به‌رگریێ و خوه ڤه‌كێشانێ دایه، په‌یوه‌ندیێن چه‌كدارێن بیانی ژی ب وێ رێكخستنێ ب ئاوایه‌كێ به‌رچاڤ كێمبووینه.
هه‌روه‌سا گۆت: ئه‌مریكا د شه‌ڕێ داعشێ دا پێشڤه‌چوویه، هه‌تا نها سێزده هزار هێرشێن ئاسمانی لسه‌ر داعشێ هاتینه كرن، سه‌د و بیست سه‌ركرده‌یێن وێ رێكخستنێ هاتینه كوشتن.
سه‌رۆكێ ئه‌مریكا ئاماژه‌كر؛ داعشێ سه‌دێ 50 ژ ده‌ڤه‌رین خوه ل ئیراقێ ژ ده‌ستداینه، مه‌هانه ژی ب ملیۆنێن دۆلاران، داهاتیێ خوه ژ ده‌ست دده‌ت.
تُتاح هذه الصورة أيضا في: کوردی