تورکیا ١٢١ وەلاتیێن عێراقی ل سنورێ سوریا دەستەسەرکرن
ئێن ئارتى
ل سەر سنورێ ناڤبەرا هەردوو وەڵاتێن سوریا – تورکیا ١٢١ وەلاتیێن عێراقی هاتنە دەستەسەرکرن کو د هەولدابوون دەربازی ئاخا تورکیا ببن.
ئاژانسا ئەنادۆڵو بەلاڤکریە، ل باژارۆکێ یایڵەداغا سەر ب پارێزگەها هەتا یا باشوورێ تورکیا، ١٢١ وەڵاتیێن عێراقی دەستەسەرکرینە کو د هەولدابوون ژ سنورێ سوریا دەربازی ئاخا تورکیا ببن.
ئەوێ ئاژانسێ ڕاگەهاند ژی، یەکەیێن سەر ب فەرماندەیا سێهەم فەوجا سنور کو ل نێزیک بنگەهێ سەربازیێ تۆپراکتوتان مژیلی گەڕیان و ڤەکۆلینێ بوون، هەست ب هەبوونا گروپەکێ کریە کو هەولا بەزاندنا سنووری دایە، پشتی دەستەسەرکرنا وانا ئاشکرا بوویە کو ئەو کەس وەلاتیێن عێراقێ نە و هژمارا وان ژی ١٢١ کەسن کو ژن و زارۆک ژی د ناڤدانە، ب ئارمانجا دیپۆرتکرنا وانا هاتینە زڤڕاندن بۆ خالێن ڤەگەڕاندنێ.
هەروەسا ئاماژە ب وێ ئێکێ ژی کریە، ئەو عێراقی ژبەر مەترسیا رێکخراوا تیرۆرستیا داعشێ ل عێراقێ ڕەڤیبوون و ب ژڤان بوون ب رێکا سوریا دەربازی ئاخا تورکیا ببن.
تُتاح هذه الصورة أيضا في: کوردی